މިއަހަރުގެ ޙައްޖު ދުވަހު މައްކާގެ ހަރަމްފުޅުގައި ލައްވަން ޚާއްޞަކޮށްގެން ފަހާފައިވާ އުރަކޮޅު މައްކާގެ ގަވަރުނަރު ޕްރިންސް ޚާލިދް އަލް ފައިޞަލް، ހަރަމްފުޅުގެ ކަންކަން ބެލެހެއްޓެވުމާއި ހަވާލުވެވަޑައިގެން އިސްކޮށްހުންނެވި ޞާލިޙް ބިން ޒައިން އަލްޢަބްދީން އަލްޝައިޞީ އާއި ހަވާލުކުރައްވައިފިއެވެ.
ހަރަމްފުޅުގެ އުރަކޮޅުގައި ހިމެނެނީ 5 ބައެކެވެ. އެއީ 4 ފަރާތަށް 4 ބައާއި ދޮރާށިިކޮޅަށް ޚާއްޞަ ބައެވެ.
ޙަރަމްފުޅުގެ އުރަކޮޅު ތައްޔާރުކުރަން އެތައް މަހެއް ނަގާއިރު އެކަމަށް ޚާއްޞަ ތަޖުރިބާހުރި 170 އަށްވުރެ ގިނަ މީހުން މަސައްކަތްކުރެއެވެ. އުރަފުޅުގައި ހުންނަ އާޔަތްތައް ވިޔަނީ ރަނާއި ރިހީގެ ރޮދިންނެވެ. އުރަކޮޅު ތައްޔާރުކުރަނީ ސިލްކުންނެވެ.
ހަރަމްފުޅުގެ އުރަކޮޅު ހަރަމްފުޅު ބަލަހައްޓަވާ އެންމެ އިސް ފަރާތާ ޕްރިންސް ޚާލިދް ޙަވާލުކުރައްވައިފި
