ދުބާއީގެ އެންމެ ރަނގަޅަށް ކުދިން ބަލައިދޭ އަންހެނަކަށް ދޭ ބޮޑު އިނާމު ދިނުން މިމަހު 25ގަ

ދުބާއީގެ ޢާއިލާތަކަށް ކުދިން ބަލައިދިނުމުގެ މަސައްކަތްކުރާ އަންހެނުންގެ ތެރެއިން އެންމެ ރަނގަޅަށް ކުދިން ބަލައިދޭ އަންހެނަކަށް ދޭ ބޮޑު އިނާމު ދިނުމުގެ ރަސްމިއްޔާތު މިމަހުގެ 25 ވަނަ ދުވަހު ބާއްވަން ހަމަޖެހިއްޖެއެވެ.

ދުބާއީގެ އާއިލާތަކަށް އެންމެ ރަނގަޅަށް ކުދިން ބަލައިދޭ އަންހެނަކަށް ދޭ އިނާމަކީ އެމީހެއްގެ ޤައުމުގެ ފައިސާ އިންނަމަ 1 މިލިއަން އެވެ. ދުބާއީ ދިރުހަމުން ނަމަ 50،000 އެވެ.
މިއަހަރުގެ އިނާމަށް 20 އަންހެނަކު ވަނީ ނޮމިނޭޓްވެފައެވެ. އަމިއްލަ ޖަމާއަތަކުން ކުރިއަށް ގެންދާ މިހަރަކާތް ބާއްވާ މިއީ ދެވަނަ އަހަރެވެ.

މި މުބާރާތުގައި އަންހެނުން ބައިވެރިކުރަނީ އެމީހުންގެ ސްޕޮންސަރުންނެވެ. އެއް ވަނަ ހޮވަނީ ފޭސް ބުކުގައި ޢާންމުކޮށް ހުޅުވާލައިގެން ނަގާ ވޯޓަކުންނެވެ.