ސައުދީ ސަރުކާރުން ޝާހީ ބޭފުޅުންނަށް ދޭ އިނާޔަތްތައް ކުޑަކުރުމާއި ގުޅިގެން ރިޔާޛްގައި ހުންނަ ރަސްމީ ގަނޑުވަރުގައި މުޒާހަރާކުރި 11 ޕްރިންސަސް ހައްޔަރުކޮށްފިއެވެ. އެބޭފުޅުން އެދިވަޑައިގަންނަވަމުން ގެންދެވީ ފެނާއި ކަރަންޓް ބިލް ގަނޑުވަރުން ދައްކައި ދިނުމަށެވެ.
މިބޭފުޅުން ވަނީ ދާދިފަހުން މަރުގެ އަދަބު ދިން އެބޭފުޅުންގެ ޢާއިލީ ޕްރިންސެއްގެ މަރުގެ ބަދަލު ދިނުމަށްވެސް އެދިވަޑައިގެންފައެވެ. ޚާއްޞަ އަމުރެއްގެދަށުން ރޯޔަލް ގާޑުން އެބޭފުޅުން ހައްޔަރުކުރީ ގަނޑުވަރުން ނުކުމެވަޑައިގަތުމަށް އަމުރުކުރުމުން ނުކުމެވަޑައިނުގަތުމުންނެވެ.
11 ބޭފުޅުން މިހާރު ވަނީ މައްސަލަ ތަޙްޤީޤްކުރުމަށްޓަކައި ހައިއަރ ޖަލުގައި ބަންދުކޮށްފައެވެ. ގަނޑުވަރުން ބުނެފައިވަނީ ޤާނޫނުގެ ކުރިމަތީގައި އެންމެންވެސް ހަމަހަމަވާނެ ކަމަށެވެ.
ފެނާ ކަރަންޓް ބިލަށް ފައިސާ ހޯދަން ގަނޑުވަރުގަ މުޒާހަރާކުރި ސައުދީ 11 ޕްރިންސަސް ހައްޔަރުކޮށްފި
