ލަކްޓަލިސް ކުންފުނީގެ ވިހަހުރި 12 މިލިއަން ކޭސް ކުޑަކުދިންގެ ކިރު 83 ޤައުމަކުން ނަގައިފި

ކިރުގެ ބާވަތްތައް އުފެއްދުމަށް އެންމެ މަޝްހޫރު ކުންފުނިތަކުގެ ތެރޭގައި ހިމެނޭ ފަރަންސޭސިވިލާތުގެ ލެކްޓަލިސް ކުންފުނީގެ އުފެއްދުންތަކުގެ ތެރެއިން ސަލްމޮނެއްލާ ވިހައިގެ އަސަރު ހުރި 12 މިލިއަން ކޭސް 83 ޤައުމަކުން ހޯދައި މިހާރު ކުންފުނީގެ ބެލުމުގެދަށަށް ގެނެވިފައިވާ ކަމަށް އެކުންފުނިން ބުނެފިއެވެ.

އެކުންފުނިން ބުނީ މިކަމުގެ ސަބަބުން ގެއްލުން ލިބުނު ޢާއިލާތަކަށް އެކަށީގެންވާ ބަދަލެއް ދޭނެ ކަމަށެވެ. އަދި މިހާރު ބާޒާރުގައި ހުންނާނީ ވިހައިގެ އަސަރު ނެތް ކިރުގެ ބާވަތްތައް ކަމަށެވެ.
ލެކްޓަލިސް ކިރު ބޭނުންކުރި 35 ކުއްޖަކު ވިވުމުގެ މައްސަލަތައް ފަރަންސޭސިވިލާތުގައި ވަނީ ކުރިމަތިވެފައެވެ. އެތައް ސަތޭކަ ޢާއިލާއަކުން މިހާރު ވަނީ ކޯޓަށް މައްސަލަ ހުށަހަޅައިފައެވެ.