މިކަމާއި ގުޅިގެން މުސްލިމުން ނެރޭ ބައެއް އާދައިގެ ބްލޮގަރތަކުގައި ގެންދަނީ ސުވާލުތައް އުފައްދަމުންނެވެ.
ޢަރަބި ލީގުގެ ވެރިން ކޮބައިބާވައެވެ! މުއްސަނދިކަމުން ހައްދުފަހަނައަޅާފައި ތިބި ރަސްކަލުންތައް ކޮބައިތޯއެވެ! ދުނިޔެ ކުޑަވެގެން މާސްގައި ހޮޓާއެޅުމުގެ މަޝްރޫއުތައް ރާވަމުންދާ ވެރިންތައް ކޮބައިތޯއެވެ! 450 މިލިއަން ޑޮލަރަށް އެންމެ ކުރެހުމެއް ގަނެލުމުގެ މާލީ ޤާބިލުކަން ހުރި މަހުޖަނުންތައް ކޮބައިތޯއެވެ. އަހަރީ ޗުއްޓީއަށް ދުވާލަކު 8 މިލިއަން ޑޮލަރު ޚަރަދުކޮށްލާ ވެރިންތައް ކޮބައިތޯއެވެ.
އިސްލާމީ އުންމަތަށް މާތްﷲ ދެއްވަވާފައިވާ މުއްސަނދިކަމަކީ އެހެން އެއްވެސް ބައަކަށް ދެއްވަވާފައި ނުވާފަދަ ގިނަގުނަ ނިއުމަތްތަކެކެވެ.
އެހެންކަމާއިއެކުވެސް މުސްލިމުންނަށް އެމީހުންގެ އަމިއްލަ އުންމަތުގެ ހާލު ބަލަހައްޓައިލެވޭވަރުނެތުމުން އިސްލާމީ އުންމަތުގެ ވެރިން ލަދެއް ނުގަނޭތޯ ވެސް ގެންދަނީ ސުވާލު އުފައްދަމުންނެވެ.
އެހެންކަމަށްވާއިރު އިސްލާމީ އުންމަތާއި ފަލަސްޠީނުގެ ވާހަކަތައް އިތުރަށް ނުދައްކައި މަޑުން ތިބުމަށް ވެސް ބައެއް ބްލޮގަރތަކުގައި ދަނީ ގޮވާލަމުންނެވެ.
