މުދަލާ ޚިދުމަތުގެ އަގު އުފުލާ ބަނޑަށް ޖައްސާ ވެރިއެއް ބޭނުމެއް ނޫން: އުރްދުން

މުދަލާއި ޚިދުމަތުގެ އަގުތައް އުފުލައި ރައްޔިތުން ބަނޑަށް ޖައްސުވާ ވެރިއަކު ބޭނުން ނޫން ކަމަށާއި އެމީހުން ބަލައިގަންނާނީ މިކަންކަމުން ރައްޔިތުން ސަލާމަތްކޮށްދޭނެ ވެރިއެއް ކަމަށް އުރުދުންގެ ގިނަ ބައަކު ދަނީ ބުނަމުންނެވެ.



މިފަދަ މައްސަލަތަކާއި ގުޅިގެން ބޮޑުވަޒީރު ހާނީ އަލްމުލްކީ އާއި ދެކޮޅަށް ކުރި މުޒާހަރާތަކުގެ ސަބަބުން އޭނާއަށް މަޖުބޫރުވެގެން މިހާރު ވަނީ އިސްތިއުފާ ދީފައެވެ.



ހާނީ ބޭރުކޮށްލަން ކުރި މުޒާހަރާތަކުގައި 42 ފުލުހަކަށް ވަނީ އަނިޔާވެފައެވެ. 62 މީހަކު ވަނީ ހައްޔަރުކޮށްފައެވެ. ފުލުހުން ބުނަނީ މުޒާހަރާތައް ކުރިއަށް ގެންދިއުމަށް ހިއްވަރުދޭ ކަމަށެވެ. ނަމަވެސް މީހުންގެ މުދަލަށާއި ފުރާނައަށް ބަލައިދިނުމަށެވެ.