އެމެރިކާގެ ޑައިވަރުން މިހާރު ވިސްނަމުން ދަނީ ފަހަރަކު ކުއްޖަކު ގޮވައިގެން މައްޗަށް އެރޭނެ މަގެއް ހޯދޭތޯއެވެ. ނަމަވެސް އެކަން ކުރެވޭނެ ގޮތެއްވެސް އަދި ނުފެނެއެވެ.
ކުދިންގެ ފަރާތުން އިއްޔެ ބެލެނިވެރިންނަށް ލިޔެފައިވާ ނޯޓެއްގައި އެދިފައިވަނީ ކަންބޮޑު ނުވުމަށެވެ. އެކުދިން ތިބީ ސަލާމަތުން ކަމަށެވެ.
ކުދިން ސަލާމަތްކުރުމުގެ މަސައްކަތުގައި ތައި ނޭވީ ޑައިވަރުންގެ އިތުރުން އެމެރިކާ، އީޔޫ، އޮސްޓްރޭލިއާ އަދި އިނގިރޭސިވިލާތުގެ ޑައިވަރުން ގެންދަނީ ކެނޑިނޭޅި މަސައްކަތްކުރަމުންނެވެ. އެންމެން ގުޅިގެން ކުރާ މަސައްކަތުންވެސް އަދިވެސް ކުދިން ހޮހޮޅައިން ނެރެވޭނެ ގޮތެއް ނުހޯދެއެވެ. އެންމެންވެސް ދެމުން ދަނީ އުންމީދެވެ.
