ދުނިޔޭގެ ގިނަ ބައަކަށް ޢަރަބިބަސް ނުއެނގެއެވެ. ވީމާ ޤުރްއާން ކިޔަވަމުންދާއިރު މާނަ ނުއެނގެއެވެ. ވީމާ މާނަ ނުއެނގި ކިޔެވުމުން ޘަވާބު ދެއްވަވާނެތޯއެވެ؟
ޖަވާބަކީ ކިޔަވާށެވެ! ކިޔެވުމުން ޘަވާބު ދެއްވަވާނެތެވެ! ތިބާ ތިއަ ކިޔަވަނީ އެންމެހައި މަތިވެރިކަން ލިބިބިވޮޑިގެންވާ ﷲ ތަޢާލާގެ ވަޙީބަސްފުޅެވެ. ވަޙީބަސްފުޅުތަކަށް ލޯބިންނެވެ.
ކީރިތި ޤުރްއާނުގެ އާޔަތްތައް ޢަރަބިބަހުން ކިޔެވިނަމަވެސް އެކަމަށް ޘަވާބު ދެއްވަވާނެތެވެ. ނަމަވެސް ކީރިތި ޤުރްއާން ކިޔެވުމުގެ ފުރިހަމަ ފައިދާ މީހާއަށް ކުރާނީ މާނަވެސް އެނގިގެންނެވެ. ޢަމަލުވެސްކޮށްގެންނެވެ.
ރަމަޟާން މަހު ފަހު 10 އަށް މިވަނީ އެޅިފައެވެ. ވީމާ ޤުރްއާން ކިޔެވުން ގިނަކުރާށެވެ! އަދި ވީވަރަކުން މާނަވެސް ކިޔާށެވެ! ހަނދާންކުރާށެވެ! އިޚްލާޞްތެރިކަމާއިއެކު ކިޔަވާ އެންމެ އަކުރަކީވެސް އަޅުކަމެކެވެ.
- ޝައިޚް ޢާޞިމް އަލްޙަކީމް
