ރަމަޟާން މަހުގެ ފަހު ދިހައިގެ ދުވަސްތައް ކުރިއަށްދާއިރު އެންމެ ގިނައިން ކުރެވޭ ދުޢާއަކީ ސުވަރުގެ ދެއްވެވުން އެދި ކުރާދުޢާއެވެ. ޙަޤީޤަތުގައި އެވަރަކުން އަދި ނުފުދެއެވެ. އެއަށްވުރެ މާމަތިން އެބަ އެދެންޖެހެއެވެ.
އެއީ ޖަންނަތުލްފިރުދައުސް ދެއްވެވުމެވެ. ލޮބުވެތި ނަބިއްޔާ މުޙައްމަދު ﷺ އާއި އެންމެ އަރިއަހުގައި ލައްވަވައިދެއްވެވުމެވެ.
މިދުޢާއަކީ ހަމައެކަނި ދުލުން ބުނެލާ ބަހަކަށް ހަދައިގެން ފައިދާއެއް ނުކުރާނެއެވެ. ޖަންނަތުލްފިރުދައުސް ދެއްވެވުމަށާއި ލޮބުވެތި ނަބިއްޔާ މުޙައްމަދު ﷺ އާއި އެންމެ އަރިއަހުގައި ލައްވަވައިދެއްވެވުމަށް އެދޭ މީހާ ޤުރްއާނަށް ޢަމަލުކުރަން އެބަޖެހެއެވެ. ރަސޫލް ﷺ ގެ ސުންނަތަށް ޢަމަލުކުރަންއެބަޖެހެއެވެ.
ﷲ ތަޢާލާ އާއި ރަސޫލް ﷺ ދެކެ ލޯބިވުމަކީއެއީއެވެ. ޖަންނަތުލްފިރުދައުސް ދެއްވެވުމަށާއި ލޮބުވެތި ނަބިއްޔާ މުޙައްމަދު ﷺ އާއި އެންމެ އަރިއަހުގައި ލައްވަވައިދެއްވެވުމަށް އެދޭ މީހާއަކީ ﷲ ތަޢާލާ އަށާއި ރަސޫލް ދެކެ ފފުރިހަމައަށް ލޯބިވާ މީހަކަށްވާންޖެހޭނެއެވެ. ލޯބިވުމަކީ ޤުރްއާނަށާއި ސުންނަތަށް ޢަމަލުކުރުމެވެ.
ވީމާ ދުޢާކުރަމުން ގެންދާއިރު ތިބާގެ ކިބައިގައިހުރި އިޞްލާޙްކުރަންޖެހޭ ޢަމަލުތައް އިޞްލާޙްކުރާށެވެ. ޤުރްއާނާއި ސުންނަތަށް ޢަމަލުކުރާ މީހަކަށްވާށެވެ! ޢަމަލުން އެކަންކަން ކުރަމުން ދުޢާކުރާށެވެ! ހިންމަވައިދެއްވަވާނެތެވެ! އިން ޝާ ﷲ
- މުފްތީ މެންކުގެ ދަރުސަކުން
