ރަމަޟާން މަހުގެ ދުވަސްތައް ފާއިތުވަމުންދާ ގޮތްވެސް ގިނަބައަކަށް ނުއެނގެއެވެ. މިއަދާއި ހމައަށް 23 ދުވަސް ފާއިތުވެގެން ދިއަކަން އެނގޭނީ ދުވަސްގުނާ މީހަކަށެވެ. ވީމާ ކުރިއަށް އޮތް ހަފްތާއެއްހައި ދުވަސް ދާދި އަވަހަށް ނިމިގެން ހިނގައިދާނެއެވެ.
ރަމަމާން މަސް ގާތްވީންސުރެ އެންމެ ގިނައިން ކުރެވުނު ކަމަކީ ރަމަމާން މަހުގެ ބޭނުން ވީހައި ރަނގަޅު ގޮތުގައި ހިފުމަށް ނަބޭޙަތްތެރިވުމެވެ. ރަމަޟާން މަހު ކުރެވުނު މަސައްކަތުން ތިމާއަކީ މި ރަމަޟާން މަހު ފާފަ ފުއްސަވައި ދެއްވަވާ އަޅަކު ކަމުގައި ވުމަށް މަސައްކަތްކުރުމަށް ނަޞޭޙަތްދިނުމެވެ.
މިރޭވެސް ބުނެލަން އޮތީ ޗުއްޓީ ލިބޭނަމަ އޮފީހުން ޗުއްޓީ ނަގައިގެންވެސް ރަމަޟާން މަހުން ދެން ބާކީ އޮތް ދުވަސްކޮޅުގައި އިތުރަށް ހީވާގިވެލާށެވެ! ރަމަޟާން މަސް ނިމުމުން އަޅުކަންކުރެވުނު މިންވަރު މަދުވެގެން ހިތާމަކުރަންޖެހޭނެ މީހަކު ކަމުގައި ނުވާށެވެ! އެއިރުން ކިތަންމެ ވަރަކަށް ހިތާމަކުރިނަމަވެސް ކުރެވޭނެ އެއްވެސް ކަމެއް ނުއޮންނާނެއެވެ!
ދެން މިއޮތް ދުވަސްކޮޅު ކޮންމެހެން ކުރަން ޖެހޭ ކަންކަން ކުރަންނޫނީ ވަގުތު ހޭދަނުކުރާށެވެ! ރަމަމާން މަސް ލިބިގަތުމަށް ކުރަންވީ ކަންކަން ހުރިހާ މުސްލިމުންނަށްވެސް އެނގޭނެއެވެ. ރަމަމާން މަސް ފެށުމުގެ ކުރިންސުރެ ހުރިހާ ޢިލްމުވެރިންހެން އެގެންދަނީ އެކަންކަން ކިޔައިދެމުންނެވެ. އަދި އެއީ އާވާހަކަތަކެއްވެސް ނޫނެވެ. ކާމިޔާބުލިބުން ވަނީ ޢަމަލުކުރެވުނު މީހަކަށެވެ.
ދުޢާއަކީ އަހަރެމެން އެންމެންނަކީވެސް ރަމަޟާން މަސް ނިމޭއިރު ފާފަ ފުއްސަވާ އަޅުން ކަމުގައި ލެއްވެވުމެވެ. އާމީން
- އިސްލާމީ ތިލަފަތުގެ ދަރުސަކުން
