ޝައިޚުލް އިސްލާމް އިބްނު ތައިމިއްޔާ رحمه الله ވިދާޅުވިއެވެ.
"ޟަރޫރީ ޙާލަތެއްގައި މެނުވީ، އޭނާގެ އަމިއްލަ އިޚްތިޔާރުގައި، މުންކަރާތުގެ މަޖްލިހަކަށް ޙާޟިރުވުން އެއްވެސް މީހަކަށް ހުއްދަވެގެން ނުވެއެވެ. އެއީ ނަބިއްޔާ صلى الله عليه وسلم ގެ އަންނަނިވި ޙަދީޘް ބަސްފުޅުގައިވާ ފަދައިންނެވެ. އެކަލޭގެފާނު ޙަދީޘްކުރެއްވިއެވެ."\
مَنْ كَانَ يُؤْمِنُ بِاللهِ وَالْيَوْمِ الْآخِرِ فَلَا يَجْلِسْ عَلَى مَائِدَةٍ يُشْرَبُ عَلَيْهَا الْخَمْرُ» [رواه الطبري وصححه الألباني]
މާނައީ: "ﷲ އާއި އާޚިރަތްދުވަހަށް އީމާންވާމީހާ ދަންނައެވެ. އެ ސުފުރާއެއްގެ މަތީގައި ރާ ބޯ ސުފުރާއެއްގައި ނުއިށީންނަ ހުށިކަށެވެ!"
ރާބޮމުންދިއަ ބަޔަކު ޢުމަރު ބުން ޢަބްދުލްޢަޒީޒްގެ އަރިހަށް ގެނެވުނެވެ. ފަހެ، އެބައިމީހުން ތަޢުޒީރުކޮށް، އެބައިމީހުންގެ ގައިގައި ތެޅުމަށް އެކަލޭގެފާނު އަމުރުކުރެއްވިއެވެ. އެކަލޭގެފާނަށް ދެންނެވުނެވެ. "އެބައިމީހުންގެ ތެރޭގައި ރޯދަވެރިއަކު ވެއެވެ." ފަހެ، އެކަލޭގެފާނު ދެންނެވިއެވެ. "އޭނާއިން ފަށާށެވެ. ﷲ ތަޢާލާ ވަޙީކުރެއްވި ބަސްފުޅު ތިއަބައިމީހުން އަޑު ނާހަން ހެއްޔެވެ؟!"
﴿وَقَدْ نَزَّلَ عَلَيْكُمْ فِي الْكِتَابِ أَنْ إِذَا سَمِعْتُمْ آيَاتِ اللَّهِ يُكْفَرُ بِهَا وَيُسْتَهْزَأُ بِهَا فَلَا تَقْعُدُوا مَعَهُمْ حَتَّى يَخُوضُوا فِي حَدِيثٍ غَيْرِهِ إِنَّكُمْ إِذًا مِثْلُهُمْ﴾ [النساء: 140]
މާނައީ: "ހަމަކަށަވަރުން ފޮތުގައި ތިޔަބައިމީހުންގެ މައްޗަށް ބާވައިލައްވާފައިވެއެވެ. ﷲ ގެ އާޔަތްތަކަށް ކާފިރުވެ، އެ އެއާޔަތްތަކަށް މަލާމާތްކުރާ އަޑު ތިއަބައިމީހުންނަށް އިވޭހިނދު، އެބައިމީހުން އެހެން ވާހަކައެއް ދައްކަން ފަށައިފުމަށް ދާންދެން، އެބައިމީހުންނާއެކު، ތިޔަބައިމީހުން ނުތިބޭށެވެ! އެހެން ތިޔަބައިމީހުން ތިބެނީނަމަ، ހަމަކަށަވަރުން ތިޔަބައިމީހުންނަކީވެސް އެބައިމީހުންފަދަ ބަޔެކެވެ."
- الشيخ صلاح البدير –حفظه الله
