ލައިލަތުލްޤަދަރިވިލޭރޭގައި ﷲ ތަޢާލާގެ އަމުރުފުޅުތަކާއިގެން ބިމަށް ފައިބާ ވަޑައިގަންނަވާ މަލާއިކަތުންނާއި ޖިބްރީލްގެފާނު ތިއަ ގެއަށް ވަދެވަޑައިގަންނަވަން ވަޑައިގަންނަވާއިރު ވަދެވަޑައިގަތުމަށް ހުރަސް އަލައި "ރެޑްނޯޓިސް" ބަހައްޓާފައިވާނަމަ ވަދެވަޑައެއް ނުގަންނާނެއެވެ.
މިބުނަނީ ޓީވީން ފޯނުން ނުވަތަ އެނޫންވެސް ވަސީލަތަކުން އައުރަ ނިވާނުކުރާ އަންހެނުންނާ ފިރިހެނުން ފެންނަ މަންޒަރުތައް ބަލާނަމަ އެގެއަކަށް މަލާއިކަތުން ވަދެވަޑައެއް ނުގަންނަވާނެ ކަމެވެ. އެކަމުގެ ދަލީލަކީ މުންކަރާތަށްވާ އަމަލުތައް ކުރާ ތަންތަނުގައި މަޑުކުރުން މުސްލިމުންނަށްވެސް ހުއްދަވެގެން ނުވާތީއެވެ.
ހަމައެއާއިއެކު މިޔުޒިކްގެ އަޑު ގެއިން އެއްވެސް ވަރަކަށް ނުއިއްވާށެވެ! އެއީ ކަނޑައެޅިގެން ޙަރާމްކަމަކަށް އަރައިގަތުމެވެ. ކުރިން މިބުނު ފަދައިން ޙަރާމްކަމެއް ކުރާ ތަނަކަށް މަލާއިކަތުން ވަދެވަޑައެއް ނުގަންނަވާނެތެވެ.
މިކަންކަމަށް ބަލާލައި މީގެ 3 ދުވަސްވަރުކުރިންވެސް ދަރުސެއްގައި ވާހަކަ ދެއްކީމެވެ. މިއަދުވެސް ތަކުރާރުމިކުރީ މިރެއަކީ 27 ވިލޭރޭކަމަށްވެފައި ކުރިއަށް އިތުރަށް އޮންނާނީ އެންމެ އޮނަހިރިރެއަކަށްވުމުންނެވެ.
މީސްތަކުންނޭވެ! ދެމޮޅެއް ނުހޯދޭނެއެވެ! ﷲ ތަޢާލާ ނަހީ ކުރެއްވެވި ކަންކަން ކުރަމުން ސުވަރުގެ ވަންނަން ބޭނުންވުމަކުން އެކަން ދެކޮޅެއް ނުޖެހޭނެއެވެ. އަދި ކީއްހެއްޔެވެ؟ ރަޙްމަތުގެ މަލާއިކަތުންގެ ދުޢާ ތިމާއަށް، ތިމާގެ ޢާއިލާއަށް ބޭނުންވާނެ މިންވަރު ވަޒަންކުރާށެވެ! އެއިރުން މިހައިގިނައިން މިވާހަކަތައް ދައްކަން ޖެހޭ ސަބަބު ވަރަށް ރަނގަޅަށް އެނގިގެންދާނެއެވެ. އިން ޝާ ﷲ
- އިސްލާމީ ިލަފަތުގެ ދަރުސަކުން
