ގިނަ އަންހެނުންނާއި ޖިންނި އަވަލައި އެމީހުންގެ ހަށިގަނޑުގެ ތެރެއަށް ޖިންނި ވަދެގެންދަނީ އެކަނބަލުންގެ ފަރުވާ ކުޑަކަމުންނެވެ. ޖިންނި އެއަންހެނުންދެކެ ލޯބިވެ އަވަލާ އަދި އެކަނބަލުންގެ ހަށިގަނޑުގެ ތެރެއަށް ވަދެގަންނަ އެންމެ ބޮޑު ސަބަބަކީ އެކަނބަލުންގެ ރީތިކަން ފެނުމެވެ. ރީތިކަންފެނުންކަމަށް މިބުނަނީ ފޭރާން ބާލައިގެން ހުންނައިރު ނުވަތަ އަޢުރަ ނިވާނުވާ ކުރު އެތިކޮޅު ލައިގެން ތިއްބައި ފެންނަވާހަކައެވެ.
ފޭރާންލާއިރު އަދި ޚާއްޞަކޮށް ފޭރާންބާލާއިރު ކުރަންހުރި ދުޢާތައް ކުރާށެވެ! ޛިކުރުތައްކިޔާށެވެ. އަދި އަމިއްލަ ގޭތެރޭގައިނަމަވެސް އެހައިބޮޑަށް ނިވާކަން ކުޑަކޮށްލައިގެން ނުއުޅޭށެވެ! ފަތިހު ހޭލެވުމުން ކޮފީއެއް ގިރައިލަން ނުކުންނައިރު މިކަންކަމަށް ބަލާށެވެ.
1- ހޭލެވުމުން ކިޔާ ޛިކުރުކިޔުން
2- ހެދުންމަތިން ކޮންމެވެސް އެއްޗެއްލައި ނިވާވެލުން
3- ކޮޓަރިން ބޭރަށް ނުކުންނަމުންވެސް އަޢޫޛްބިﷲ ކިޔުން
ޖިންނިތަކަށް ތިބާ އެންމެ ބޮޑަށް ފެނިގެންދާ ވަގުތަކީ ހެދުން ބަދަލުކުރާ ވަގުތުގައެވެ. ކިތަންމެ ބޮޑަށް އަވަދިނެތި ހެދުން ބަދަލުކުރަން އެއިރު ލައިގެންހުރި ހެދުން ބޭލި ނަމަވެސް އަޢޫޛްބިﷲ ކިޔުމަށްފަހު ނޫނީ ހެދުން ނުބާލާށެވެ!
އަހަރެމެންނާއިއެކު ޖިންނި ޝައިޠާނުން އަބަދުވެސްވާނެއެވެ. ގޭގެއަށްވެސް އަހަރެމެންނާއިއެކުގައި ވަންނާނެއެވެ. އެކަމަށް ހުރަސްއަޅައި ހުއްޓުވަންވެސް އެންމެފަސޭހައިން ކުރެވެން އޮތް ކަމަކީ ގެއަށް ވަންނަމުން ކިޔަންހުރި ޛިކުރުތައް ކިޔުމެވެ. ޚާއްޞަކޮށް ފާޚާނާއިން ވަދެ ނުކުމެވާއިރު ޛިކުރުކުރަންވާނެއެވެ. ގޭގައިވާ ޝައިޠޯނުންގެ ކިއްލާއަކީ އެއީއެވެ.
މީގެ އިތުރުންވެސް ޖިންނި މީހުންގެ ހަށިގަނޑުގެ ތެރެއަށް ވަންނަ ބައެއް ސަބަބުތައް ފާހަގަކޮށްލާނަމެވެ.
1- ޖިންނި އަކީވެސް އިންސާނުންފަދައިން ރުޅި އަންނަ އެއްޗެކެވެ. އަދި ލޯބިވާވެސް އެއްޗެކެވެ. ހިތާވާވެސް އެއްޗެކެވެ. މިއިން ކޮންމެ ސަބަބެއް މެދުވެރިވި ނަމަވެސް އެމީހާގެ ހަށިގަނޑުގެ ތެރެއަށް ވަދެދާނެއެވެ.
2- އަހަރެމެންނަށް ޖިންނިއަށް އަނިޔާކުރެވޭކަން. މިސާލަކަށް:
ޝައިޠޯނާގެ ކިބައިން ރައްކައުތެރިކަމަށް ނުއެދި (އަޢޫޛް ނުކިޔައި) އަތްވީއްލައި އެއްޗެތި އުކުން، ބިންމައްޗަށް ކުނިފެން، ހޫނުފެންފަދަ ތަކެތި އޮއްސައިލުން،
އަދި އެނޫންވެސް ތަކެތި އުކުން
- އިސްލާމީ ތިލަފަތުގެ ދަރުސަކުން
މިފަދަ އެއްވެސް ކަމެއް ކުރާނަމަ ޝައިޠޯނާގެ ކިބައިން ރައްކައުތެރިކަމަށް އެދެންވާނެއެވެ.
