މިއަދުނޫހުގެ ކިޔުންތެރިންނަށާއި ބައިވެރިންނަށް އަދި އެންމެހައި މުސްލިމުންނަށް ފިޠުރުޢީދުގެ ތަހްނިޔާ އަރިސްކުރަމުއެވެ.
ޙާލަތަކީ ކިތަންމެހައިވެސް ހިތްދަތި ޙާލަތެކެވެ. ފިޠުރުޢީދު ބައްދަލުމިކުރީ ޖަމާޢަތުގައި ނަމާދުވެސް ކުރެވެން ނެތް ވަރަށް ހިތްދަތި ޙާލަތެއްގައެވެ. މިއީ އުންމީދުކުރި ގޮތެއް ނޫނެވެ. ރަމަޟާން މަސް ފެށިގެން އައީ މިފަދަ ޙާލަތެއް ކުރިމަތިވެދާނެކަމުގެ ވިސްނުންވެސް ނެތިއެވެ. ނަމަވެސް ޙާލަތު ބަދަލުވީއެވެ.
ޢިލްމުވެރިން ބަޔާންކުރައްވާ ގޮތުގައި ދެން އޮތީ މިޙާލަތާއި ގުޅޭގޮތުން ކަންބޮޑުވުވާން ނުތިބެ ކުރިމަތި ކުރެއްވެވި ޙާލަތުގައިވެސް އެމީހަކަށް ކުރެވެން އޮތް އެންމެ ގިނަ ހެޔޮ ޢަމަލުކުރުންމަތީގައި ސާބިތުވުމެވެ. ނަމާދުކުރުމާއި އެހެންވެސް އަޅުކަންކުރުންމަތީގައި ސާބިތުވުމެވެ. ރަމަޟާން މަހުން ޙާޞިލުވި ދަރުމައާއި ތަޤްވާވެރިކަންމަތީގައި ސާބިތުވާން މަސައްކަތްކުރުމެވެ.
ދުޢާއަކީ މިހިތްދަތި ޙާލަތުން ވީހައި އަވަހަކަށް އަރައިގަނެވުމެވެ. ޖަމާޢަތުގައި ނަމާދުކޮށް އާންމު ޙާލަތެއްގައި ދިރުއުޅެވޭނެ މަގު ފަހިކކުރައްވަވައި ދެއްވެވުމެވެ. ކޮވިޑުގެ ނުރައްކަލުން ސަލާމަތްވެވި ބަލި ނެތިގެން ދިއުމެވެ. ބަލީގައި ތިބި އެންމެންނަށް އަވަސް ޝިފާއެއް މިންވަރުކުރެއްވެވުމެވެ. އާމީން
