ޝައިޠޯނާ ނިދީގައި ހަމަލާދެނީ ހަމައެކަނި ބޮޑެތި މީހުންނަކަށް ނޫނެވެ. އަހަރެމެންގެ ތުއްތު ދަރިންނަށްވެސް ހަމަލާތައް ދެއެވެ. ވީމާ ދަރިން ނިންދަވާއިރު އެކުދިންލައްވައި ޛިކުރުތަައް ކިޔަވަންވާނެއެވެ. އާޔަތުލްކުރުސި ކިޔައިދީ ޝައިޠޯނާގެ ކިބައިން ރައްކައުތެރިކުރުވަންވާނެއެވެ.
ނަމަވެސް މިހާރަކަށް އައިސް ބައެއް ބެލެނިވެރިން ކުދިން ނިންނަދަވަންވެސް ދައްކަނީ ކޮންމެވެސް ފިލްމެކެވެ. ނިދެންދެން ކުޅެން ކުދިންގެ އަތަށް ދެނީ ގޭމެކެވެ. ނުވަތަ އެފަދަ އެޕްލިކޭޝްންތައް ހުންނަ ފޯނެކެވެ. ބައެއް ބެލެނިވެރިން ޛިކުރުތައް ކިޔައިދިނުމުގެ ބަދަލުގައި ވާހަކަވެސް ކިޔައިދެއެވެ.
އެގޮތަށް ކުދިން ނިންދެވުމުން ދެން ކަންކަންވެގެންދާގޮތް ލިޔުމުގައިވާ ވީޑިއޯއިން ފެނިވަޑައިގަންނަވާނެއެވެ. އަދި މިފަދަ ވީޑިއޯތައް ކުދިންނަށް ދެއްކުމުން ޝައިޠޯނާގެ ކިބައިން ސަލާމަތްވާން ޛިކުރުތައް ކިޔުމަށް ކުދިންގެ ޝައުޤުވެރިކަން އިތުރުވާނެއެވެ. އިން ޝާ ﷲ
ވީޑިއޯ ދައްކާއިރު ވީޑިއޯގެ ހަޤީޤަތްވެސް ބުނެދޭށެވެ. މިއީ ޛިކުރުތައް ނުކިޔައި ނިދުމުން ކަންކަންވާގޮތް އަނގައިދިނުމަށް މީހުން ކުޅެފައިވާ ވީޑިއޯއެއްކަންވެސް ބުނެދޭށެވެ. ނޫންނަމަ ކުދިންނަށް އޮޅުން އަރައި ސުވާލުތައް އުފައްދާނެއެވެ. މިހާރުގެ ކުދިންނަކީ މީހަކު ބުނާހައި ވާހަކައެއް ޤަބޫލުކުރާނެ ކުދިންނެއް ނޫނެވެ. ވީމާ ކޮންމެ ކަމެއްވެސް ބުނެދޭންވާނީ ކުދިންނަށް ޤަބޫލުކުރެވޭނެ، ބަލައިގަނެވޭނެ ގޮތަށެވެ. ފައިދާކުރާނީ އެއިރުންނެވެ.
ގުޅުންހުރި ވީޑިއޯ:
