ކޮރޯނާ ފެތުރެން ފެށުމުން އިސްލާމް ދީނާއި އެންމެ އަދާވާތެރިކަން ބޮޑު ގިނަ ޤައުމުތަކުންވެސް އިސްލާމް ދީނަށް ނަޞްރުދިނެވެ. ބަންގީގެ އަޑު އިއްވިއަ ނުދޭތާ 500 އަހަރުވެފައިވާ ބައެއް އަވަށްތަކުގައި ބަންގީގެ އަޑު އިއްވަން މިސްކިތްތަކަށް އަމުރުކުރިއެވެ. ރަސޫލް ﷺ ގެ ޙަދީޘްފުޅުތަކަށް ތަޢްރީފކޮށް މަތިވެރިކުރުމުގެ ގޮތުން ބޮޑއތި ބިލްބޯޑުތަކުގައި ޙަދީޘްފުޅުތައް ލިޔެ މީހުން އެންމެ ގިނައިން ދުއްވާ މަގުތަކުގައި ބެހެއްޓިއެވެ.
އިންޑިއާގައި އަމަލުކުރީ މުޅިން ތަފާތުގޮތަށެވެ. ވެރިކަމުން ބުނަމުން އައީ ކޮރޯނާ ފިލުވައިލެވޭނީ މިސްކިތް ހުރިތަނުގައި ފައްޅިއަޅައިގެން ކަމަށެވެ. އެކަމުގެ ނަތީޖާ ވެސް މިއަދު މިވަނީ ފެނިފައެވެ. ކޮރޯނާގެ ނުރައްކާ އެންމެ ބޮޑުވެފައިވާ އެއް ޤައުމަކީ އިންޑިއާއެވެ. ކޮރޯނާގެ އެންމެ ނުރައްކައުތެރިކަން ބޮޑު ބާވަތްތައް ފެނިފައިވަނީ އިންޑިއާއިންނެވެ.
ސައްތައިން ސައްތަ މުސްލިމް ދިވެހިރާއްޖެއިން މިވަނީ ޤުރްއާނާއި ޙަދީޘްފުޅުތައް ދޫކޮށްލައިފައެވެ. މުސްލިމުންގެ ޢަދާވާތްތެރިންނާއި ގުޅުން ބަދަހިނުކުރަން އަންގަވާފައިވާ އެންގެވުންތަކުގައި މިވަނީ ފައުޅުގައި ކޮޅުފައިން ޖަހައިފައެވެ. އެކަމުގެ ހިތިކަން މުޅި ޤައުމަށް މިވަނީ ތަޖުރިބާކުރަންޖެހފައެވެ.
ކޮރޯނާއިންވެސް އަދި އެހެން މުޞީބާތްތަކުންވެސް ސަލާމަތްވެވުން އޮތީ ﷲ ތަޢާލާގެ މިންވަރުފުޅުންނެވެ. އެކަލާނގެ ރަޙްމަތުންނެވެ. ﷲ ތަޢާލާގެ އެންގެވުންތަކަށް ބޯލަނބައި ކިޔަމަންތެރިވީވަރަކުންނެވެ.
އަވަސްޓެރިންނަކީ ނުބައިބައަކަށްވުމުން އެމީހުންނަށް އަޅުވެތިވެ ދީލައިލަން ޖެހޭނަމަ ރަސޫލް ﷺ އެންމެ ގާތް މިތުރުން ކަމުގައި ބެލެވީހީ ޔަހޫދީންނެވެ. ނަމަވެސް އެމީހުން ބެއިތިއްބެވީ އިމެއްގައެވެ. އެމީހުންނަށް އެންގެވީ އިމެއްގައި ތިބުމަށެވެ.
ދީވާލީ ފާހަގަކުރަން މީހުން ދިރިއުޅޭ ރަށްތަކުގައި ފައުޅުގައި މަސްތުވުމުގެ ފުރުޞަތު ދިން ހިސާބުން ޤައުމުގެ ޙާލަތާއިމެދު މިވަނީ ވިސްނަން ޖެހިފައެވެ. އެކަމުގެ ތަފްޞީލުތައްވެސް އިން ޝާ ﷲ ހާމަކުރާނަމެވެ. ކޮރޯނާގެ އެންމެ ނުރައްކާތެރި، އެއްވެސް ވެކްސިނަކަށް ނުގުޑާ ބާވަތްތައް ފެށުމުންވެސް ޙާޞިލުކުރެވުނީ ކޮން ފިލާވަޅެއްތޯއެވެ؟ އިންޑިއާގެ ފަތުރުވެރިން ކަރަންޓީނުގައި ތިބުމުގެ ބަދަލުގައި މަގުތަކަށް ނުކުމެ ކޮރޯނާ ބެހީނޫންތޯއެވެ. ފިޔަވަޅެއް އެޅުމުގެ ކުޅަދާނަކަން ލިބުނުތަން ރައްޔިތުންނަށް ނުފެނިގެން ކަރުނަނާޅާތޯއެވެ؟
ނަތީޖާއަކީ ރަނގަޅަށް ބަލާނަމަ މާލެސިޓީގެ ކޮންމެ ރައްޔިތެއްގެ ފުރާނަ ކޮވިޑުގެ ނުރައްކަލުގައިވުމެވެ. ކޮންމެ މީހަކީވެސް ކޮންޓެކްޓަކަށްވުމުގެ ބިރު އޮތުމެވެ. ހޮސްޕިޓަލްތައް ފުރުމެވެ. މުޅި އަހަރުދުވަހު މީހުން މަރުވި ނިޞްބަތަށްވުރެ މާގިނައިން މީހުން މަރުވާން ފެށުމެވެ. ހުރިހާ ގެއްލުމެއް ލިބެމުން މިދަނީ ރައްޔިތުންނަށެވެ. ިރަކާއި ނުލާ މަޖާކުރެވޭނެ އިތުރު ގޮތްތައް ފަހިކޮށްދޭން ކުރާ މަސައްކަތް ކުރިއަށްދާއިރު މިފެންނަނީ ހުރިހާ ގޮތަކުން ރައްޔިތުން ހަނާވެ ހަފުސްވަމުންދާތަނެވެ!
މިކަންކަމަށް ތަންކޮޅެއް ފުންކޮށް ވިސްނަން އަދިވެސް ނުވަނީ ބާވައެވެ! ޤުރްއާނާއި ސުންނަތަށްވުރެ އަމިއްލަ ވިސްނުން މޮޅުނުވާނެ ކަމަށް ޤަބޫލުކޮށް ޤުރްއާނާއި ސުންނަތަށް ޢަމަލުކުރަން ފަށަން އަދިވެސް ނުވަނީބާވައެވެ! ދުޢާއަކީ ޜާއްޖޭގެ ވެރިންނަށް ހެޔޮ ވިސްނުން މިންވަރުކުރެއްވެވުމެވެ. ރާއްޖެއަށް ކުރިމަތިވެފައިވާ ކޮރޯނާގެ ވަބާއިން ސަލާމަތްކަން ދެއްވެވުމެވެ. އެކަން ޙާޞިލުކުރެވޭނީ އިންސާނުން އުފައްދާ ގައިޑްލައިންތަކަށްވުރެ ﷲ ތަޢާލާގެ ގައިޑްލައިންތަކަށް އަމަލުކުރުން ކުރިއަށް ނެރެގެންނެވެ! ނޫންނަމަ ރާޅަކަށްފަހު ރާޅެއް ކޮންމެ ސިފައެއްގައި ދާނީ ބިންދަމުންނެވެ.
