އޭނާ ސައުދުޢަރަބިޔާއަށް ދިއައީ ބޮޑު ބިރުވެރިކަމެއްގައި ހުރެއެވެ. އެއީ މުސްލިމުން ނޫން މީހުންނަށް އަނިޔާވެރިވާ ބައެއްކަމުގެ ފިކުރާއިއެކުގައެވެ. އޭނާ ހުރީ ވަރަށް ބިރުންނެވެ. ނަމަވެސް އޭނާއަށް ސައުދީ ރައްޔިތުންކީ މަރުޙަބާ އާއި އަދާކުރި މެހްމާންދާރީން އޭނާގެ ވިސްނުން ބަދަލުވެގެންދިއައެވެ. އޭނާ އަށް ސައުދީރައްޔިތުން ސިފަކުރެވުނީ އެހެން ދީންތަކުގެ މީހުންނަށް އެންމެ އޯގާތެރި، އެންމެ ފުރިހަމައަށް އަދާކުރުމުގައި ލާމަސީލު ބައެއްގެ ގޮތުގައެވެ.
އޭނާގެ އުމުރުން 3 އަރުންފެށިގެން އޭނާގެ މަންމަ އޭނާ ފައްޅިއަށް ގެންދެއެވެ. އަދި އޭނާގެ މަންމަގެ އެންމެ ބޮޑު ވަޞިއްޔަތަކީ އިބްރާހީމްގެފާނުގެ ކަލާނގެއަށް އަޅުކަންކުރުމުގައި ދެމިހުރުމެވެ.
ސައުދިޢަރަބިޔާގައި އޭނާ މިސްކިތަކަށް ދިއައީ ދާނެ ފައްޅިއެއް ނެތުމުންނެވެ. މިސްކިތުގެ ފެންޑާގައި 3 ދުވަސް ހޭދަކުރުމުން މުސްލިމުން ކުރާ އަޅުކަން އޭނާއަށް ކަމުދިއައެވެ. އިމާމް ގާތު ނަމާދުކުރަން ދަސްކޮށްދޭން ބުނުމުން ފުރަތަމަ ދަސްކޮށްދިނީ އަލްޙަމްދުއެވެ. އަލްޙަމްދުގެ މާނައެނގުމުން ﷲ ތަޢާލާގެ ދީލަތިވަންތަކަމާއި ފާފަފުއްސަވައިދެއްވެވުމުގައި އިމެއްނެތްކަން އެނގުނެވެ.
މިއަދު އޭނާއަކީ އިސްލާމް ދީނަށް ނަޞްރުދޭން މަސައްކަތްކުރާ މުސްލިމެކެވެ. ޚަބަރުގައިވާ ވީޑިއޯ ބައްލަވައިލައްވާށެވެ! ޤުރްއާނުގެ މާނަ އެނގުމުން ކާފިރުންގެ ހިތްތަކަށް ކުރާ އަސަރު ތިމާގެ ހިތަށް ނުކުރާ ސަބަބާއިމެދު ފުންކޮށް ވިސްނައިލާށެވެ! އެކަމުން ތިބާއަށް ފައިދާކޮށްފާނެއެވެ.
ގުޅުންހުރި ވީޑިއޯ:
