އަހަރެމ،ެން އިންސާނުންގެ ކަންކަން ހުންނަގޮތުން ލިބޭ ހުރިހާ ދައުވަތެއް ޤަބޫލެއް ނުކުރެވެއެވެ. ބައެއް ދައުވަތު ޤަބޫލުނުކޮށް ދޫކޮށްލެވެއެވެ. މިހާރު މިހާމަކުރާ ދައުވަތަކީ އެންމެ ގިނަ ބައަކު އިހްމާލުވެ ފުރުޞަތުގެ ބޭނުންނުކޮށް އެންމެ ގިނައިން ދޫކޮށްލާ ދައުވަތެވެ. ނަމަވެސް މި ދައުވަތަކީ ދޫކޮށްލުމު ތިމާއަށް އެންމެ ބޮޑަށް ގެއްލުން ލިބޭނެ ދައުވަތެވެ!
އެހެނީ މިދައުވަތުގައި ﷲ ތަޢާލާ އަމިއްލަފުޅަށް އެ ސުވާލުކުރައްވަވަނީ ތިބާ ބޭނުންވަނީ ކޮންކަމެއްތޯއެވެ؟ ވަޙީކުރައްވަވަނީ ވަކިކަމަކަށް އެދި ދެންނެވުމަށް ނޫނެވެ! ބޭނުންާ ކޮންމެ ކަމަކަށް އެދި ދެންނެވުމަށެވެ. އަދި ކޮންމެ ކަމަކަށް އެދި ދެންނެވިނަމަވެސް ފުއްދަވައިދެއްވަވާނެ ކަމަށެވެ. ވީމާ ބޭނުންވާ ކޮންމެ ކަމަކަށް އެދި ދެންނެވިނަމަވެސް ފުއްދަވައިދެއްވަވާނެކަމުގެ ޔަޤީންކަން އެދަނީ ލިބިގެންނެވެ.
يَنْزِلُ رَبُّنَا تَبَارَكَ وَتَعَالَى كُلَّ لَيْلَةٍ إِلَى السَّمَاءِ الدُّنْيَا حِينَ يَبْقَى ثُلُثُ اللَّيْلِ الآخِرُ يَقُولُ: مَنْ يَدْعُونِي، فَأَسْتَجِيبَ لَهُ مَنْ يَسْأَلُنِي فَأُعْطِيَهُ، مَنْ يَسْتَغْفِرُنِي فَأَغْفِرَ لَهُ)).
[رواه البخاري (1145)]
މާނައީ: "ރޭގަނޑުގެ ތިންބައިން ފަހު ބައިގައި އަޅަމެންގެ މަތިވެރިވަންތަ ރައްބު، ﷲ ތަޢާލާ ދުނިޔޭގެ އުޑަށް ފައިބާވޮޑިގެން ވަޙީކުރައްވައެވެ. "ތިމަން އިލާހަށް ދުޢާކުރަނީ ކާކު ހެއްޔެވެ؟ ފަހެ، ތިމަން އިލާހު އެމީހަކަށް އިޖާބަދެއްވާނަމެވެ. ތިމަންއިލާހުގެ ޙަޟްރަތުން ކަމަކަށް އެދި ދަންނަވަނީ ކާކު ހެއްޔެވެ؟ ފަހެ، ތިމަންއިލާހު އެމީހަކަށް ދެއްވާނަމެވެ. ފާފަ ފުއްސެވުމަށްއެދި ތިމަން އިލާހަށް ދަންނަވަނީ ކާކު ހެއްޔެވެ؟ ފަހެ، އެމީހަކަށް ތިމަން އިލާހު ފުއްސަވައިދެއްވާނަމެވެ."
މި ހަދީޘްފުޅުގެ ވާހަކަ މިއައުކޮށްލީ ހަމަ އެންމެ ބޭނުމަކުއެވެ. ރޯދަ މަހު ދައުވަތުގެ ބޭނުންކުރި ގިނަބައަކު ރޯދަ ނިމުމުން ރޭ އަޅުކަންކުރުން ހުއްޓައިލަމުންދާތީއެވެ. އެހެން ނުހަދާށެވެ. ތިއަ ހެދެނީ ވަރަށް ބޮޑު ގޯހެކެވެ! ރަމަމާން މަސް ނިމުމުން ރޯދަ ނުހިފިނަމަވެސް ރޭއަޅުކަމުން އެއްވެސް މިންވަރެއް މަދުނުކު7ރާށެވެ! ރަމަޟާން މަހު ކުރި ރަކްޢަތަކަށް ރަކްޢަތެއް ކުރި ސަޖިދައަކަށް ސަޖިދައެއް ނުކުރެވޭނަމަ ތިމާ އެވަނީ ހަމަ ފޭލްވެ ބާކީވެފައެވެ!
- އިސްލާމީ ތިލަފަތުގެ ދަރުސަކުން
