"ކިތަންމެ ބޮޑު ކަންބޮޑުވުމެއްގައި އުޅެންޖެހިފައިވީނަމަވެސް އެޙާލަތު ﷲ ތަޢާލާ ދެނެވޮޑިގެންވާކަމާއި ބައްލަވައިވޮޑިގެންވާކަން ޔަޤީންކުރާށެވެ! ނަމާދުކުރުމާއި ހެޔޮ ޢަމަލުތައް ކުރުމާއި ދުޢާކުރުން ގިނަކުރާށެވެ!
ސަލާމަތްވުމަށް ކުރެވެން ހުރި ހުރިހާ މަސައްކަތަތަކެއް ކުރާށެވެ! އަދި ﷲ ތަޢާލާގެ ރަޙްމަތަށް އުންމީދުކުރާށެވެ! ކޮންމެ މުޞީބާތަކާއިއެކު ރަޙްމަތެއްވާނެކަމަށް އޮތް ﷲ ތަޢާލާގެ ވަހީ، ވަޢުދު ބަސްފުޅު ޔަޤީންކުރާށެވެ!
ސުވަރުގެ ވަދެވުމުން ދުނިޔޭގައި ކުރިމަތިވި ހުރިހާ މުޞީބާތްތަކެއްގެ މަތިން ހަނދާންނެތިގެންދާނެއެވެ."
އަދިވެސް ވިދާޅުވެފައިވެއެވެ.
"މިއީ އަބަދުވެސް އުޅެންޖެހޭނެ ހާލަތުކަމަށް ޤަބޫލުކުރެވެނީ ހެއްޔެވެ؟ މިކަންކަމުން ސަލާމަތްނުވެވިދާނެ ކަމަށް ޤަބޫލުކުރެވެނީ ހެއްޔެވެ؟ ތިމާ ނިމިދާނީ މިޙާލަތުގައި ކަމަށް ޤަބޫލުކުރެވެނީ ހެއްޔެވެ؟
މީސްތަކުން ﷲ ތަޢާލާއަށް އިޚްލާޞްތެރިކަމާއިއެކު އަޅުކަންކުރަމުން ދާހައި ހިނދަކު މީސްތަކުންގެ މަތިން ﷲ ތަޢަލާ ހަނދުމަފުޅު ނައްތަވައި ނުލައްވަވާނެތެވެ. ﷲ ތަޢާލާގެ ރަޙްމަތަށް އެދެންޖެހޭ ގޮތަށް އެދޭ ބައަކު މާޔޫސް ނުކުރައްވަވާނެތެވެ! އެކަލާނގެ ރަޙްމަތަށް އެދޭ ބައަކު ރަޙްމަތުން މަޙްރޫމް ނުކުރައްވަވާނެތެވެ." އިން ޝާ ﷲ
- މުފްތީ މެންކް
