ކޮންމެ މީހަކީވެސް އެހެން މީހުންގެ ހަސަދަ އާއި އެސްފީނާއިން ސަލާމަތްވެހުންނަން ބޭނުންވާނެ މީހެކެވެ. އެހެން ކަމުން ފުރަތަމަ ކަމަކަށް ކުރަންޖެހޭ ކަމަކީ ތިމާއަކީ އެއްވެސް މީހަކަށް ހަސަދަ ނުލައި އެސްފީނާ ނުލައި ހުންނަ މީހަކަށްވުމެވެ.
ތިމާއަކީ އެހެން މީހުންނަށް ހަސަދަ ޢާއި އެސްފީނާލާ މީހަކަށްވެގެން ހުރެ އެމީހުންގެ ހަސަދައާއި އެސްފީނާއިން ސަލާމަތްކޮށްދެއްވެވުން އެދި ﷲ ތަޢާލާގެ ޙަޟްރަތުގައި ދަންނަވާނީވެސް ކިހިނަކުން ހެއްޔެވެ؟
ކޮންމެ ކަމަކަށް އެދި ދަންނަވާއިރުވެސް ވިސްނައިލަންޖެހޭނެ ކަމަކީ ތިމާގެ ހުރިހާ ޙަޤީޤަތްތަކެއް ﷲ ތަޢާލާ އެންމެ މޮޅަށް ދެކެދެނެވޮޑިގެންވާކަމެވެ. ހިތަށް އަރާކަންކަންވެސް ދެނެވޮޑިގެންވާ ކަމެވެ. ވީމާ ފުރަތަމަ ކަމަކަށް ކުރަންޖެހޭ ކަމަކީ ތިމާގެ ހިތް އެންމެހައި ނުބައި ކަންކަމުން ޠޯހިރުކުރުމެވެ.
މީސްތަކުންނޭވެ! ﷲ ތަޢާލާގެ ރުހިވޮޑިގަތުން ތިބާއަށް ލިބޭނީ އެހެން މީހުންނަށް އެކަލާނގެ މިންވަރުކުރައްވަވާ ނިޢްމަތްތަކަށް ތިބާ އުފާކުރުމުންނެވެ. ވީމާ އެއްވެސް މީހަކަސް ހަސަދަވެރިނުވާށެވެ! ހަސަދައާއި އެސްފީނާ ލުމުން ތިމާ ސަލާމަތްވެހުރެ އެހެން މީހުންގެ ހަސަދައާއި އެސްފީނާއިން ސަލާމަތްކުރައްވަވައި ދެއްވެވުމަށް އެދޭށެވެ!
- މުފްތީ މެންކުގެ ދަރުސަކުން
