ދިރިއުޅުމުގެ މިއަދުގެ ޙާލަތަށް ބަލައިފިނަމަ ޚުޝޫޢަތެރިކަމާއިއެކު ނަމާދުކުރެވެން ހުރީ މަދުގެއެއްގައެވެ. އެހެން މީހުންގެ އަޑުތަކާއި އެހެނިހެން ވެސް އެފަަދ ކަންކަމުން ސަލާމަތްވެ ހުރެވިގެން ނޫނީ ޚުޝޫޢަތްތެރިކަމާއިއެކު ނަމާދެއް ނުކުރެވޭނެއެވެ.
ވީމާ މިވަގުތުގެ ޙާލަތު ހުރި ގޮތުން ޖަމާޢަތުގައި ނަމާދު ނުކުރެވޭތީ އެކަނި ނަމާދުކުރަންޖެހުނު ނަމަވެސް މިސްްކިތުގައި ނަމާދު ކުރުމުގެ ފުރުޞަތު އޮތުމާއި ނަމާދުކޮށްލަން އެންމެ ކައިރީގައި ހުރި މިސްކިތަކަށް ދިއުމުގެ ފުރުޞަތު ލިބިފައި އޮތުމަކީ ވަރަށް މުހިންމު ކަމެކެވެ.
ތަޔައްމަމް ކޮށްގެން ނަމާދުކުރުމަކީ ފެން ލިބޭނެ ގޮތެއް ނެތް ޙާލަތުގައި އަމަލުކުރަން އޮތް ގޮތެވެ. ވީމާ މިސްކިތުން ވުޟޫކުރާނެ ފެން ނުލިބޭނަމަ ގެއިން ވުޟޫކުރާށެވެ! ނަމަވެސް މިސްކިތުގައި ޖަމާޢަތުގައި ނަމާދުކުރާކަމަށްވެފައި ޖަމާޢަތަށްދިއައިރު މިސްކިތުން ވުޟޫކުރާނެ ފެން ނުލިބޭ ކަމުގައިވާނަމަ ޖަމާޢަތް ލިބިގަތުމަށްޓަކައި ތަޔައްމަމްކޮށްގެން ވެސް ނަމާދުކުރެވިދާނެއެވެ.
- މިއީ ރާއްޖޭގެ ދީނީ ޢިލްމުވެރިއަކު މިއަދުނޫހަށް ވިދާޅުވި ބަސްފުޅެކެވެ.
