"ތިމާގެ އަމިއްލަ ނަފްސާއި އަނބިދަރިން ނަރަކައިން މަސައްކަތްކުރަން ޖެހެއެވެ. އެކަންވާންއޮތީ ދީނުގައި އޮތް ގޮތަށް (އަނބިދަރިން) ހެދުން އަޅައި ނިވާވެގެންނެވެ. މިކަމާއިމެދު އެއްވެސް ޢިލްމުވެރިއަކު ޝައްކެއް ނުކުރައްވައެވެ."
މިބަސްފުޅާއެކު ޑރ. މުޙައްމަދު އިޔާޟް ޢަބްދުއްލަޠީފް ޓްވީޓް ކުރައްވާފައި ވަނީ އައްތަޙްރީމް ސޫރަތުގެ 6 ވަނަ އާޔަތެވެ.
ޑރ. އިޔާޟް މިފަދަ ބަސްފުޅެއް ވިދާޅުވެފައިވަނީ އަނބިދަރިން ނަރަކައިން ސަލާމަތްކުރުވަން މަސައްކަތްކުރުމުގެ މުހިންމުކަމާއި ނަރަކައިން ސަލާމަތްވުމަށްޓަކައި ދީނުގައިވާ ގޮތަށް އަނބިދަރިން އެޅުވުމުގެ މުހިންކަން ބަޔާންކުރައްވައިކަން ފަހަގަކުރެވެއެވެ.
މި އާޔަތުގައި "އޭ އީމާންވެއްޖެ މީސްތަކުންނޭވެ! ތިއަބައިމީހުންގެ އަމިއްލަ ނަފްސްތަކާއި ތިއަބައިމީހުންގެ އަހުލުވެރިން ނަރަކައިން ސަލާމަތްކުރާށެވެ!" ވަޙީކުރައްވަވާފައި އޮތުމުން އެކަމަކީ ﷲ ތަޢާލާގެ އަމުރުފުޅެއްކަން މިއޮތީ ޤުރްއާނުން އެނގޭށެވެ!
ހަމައެއާއިއެކު އަމިއްލަ ނަފްސް ނަރަކައިން ސަލާމަތްކުރުމަށްޓަކައި މިސްކިތްތަކުން 5 އިރު ގޮވާ "ޙައްޔަޢަލައްޞަލާތި، ޙައްޔަޢަލަލްފަލާހް" ގެ އަޑު އިވުމުން ފިރިހެނުން މިސްކިތުގެ ޖަމާޢަތަށް ނަމާދަށްދާންޖެހޭކަން ވެސް ފާހަގަކުރެވެއެވެ. އަދި އެހެން މީހުންނަށް ދީނުގެ ކަންކަން އޮޅުންފިލުވައިދިނުން އޮތީ ތިމާގެ މައްޗަށް ވާޖިބުކުރައްވަވާފައިވާ ކަންކަން ކުރުމާއިއެކުގައިކަންވެސް ފާހަގަކުރެވެއެވެ.
Thimmaa ge amilla nafsaai anbidharin narakain Salaamaiy kuran masakkaiy kuran jehey. Ekan vaan othy Dheenugai engevi gothah hedhun alhaa nivaa vegen. Mi kamaai medhu evves ilmuveri aku shakkeh nukuravvaa. pic.twitter.com/sGGWGLuHIT
— Dr.Mohamed Iyaz (@dr_iyaz) June 26, 2021
