ބޭނުންވާތަކެތި:
- ހެޔޮވަރު 2 ފިޔާ
- ލޮނުމިދެއް
- 1 ލުބޯގެ ހުތް
- 2 ސަމުސާ މާމުއި
ތައްޔާރުކުރާނެ ގޮތް:
ފިޔާ ސާފުކުރުމަށްފަހު އާދައިގެވަރަކަށް ކޮށައިލާށެވެ! ލޮނުމިދުވެސް ކޮށައިލާށެވެ. 300 އެމްއެލްގެ ފެނުގެ ތެރެއަށް އަޅައި 5 މިނިޓްވަންދެން ކައްކާށެވެ.
އެއަށްފަހު ޖޯޑަކަށް ފުރާނައިލާށެވެ. އެއިގެ ތެރެއަށް ލުބޮއެއްގެ ހުތް އަޅައި އެއްކޮށްލާށެވެ. އެއަށްފަހު 2 ސަމުސާ އަސްލު މާމުއި އަޅައި ރަނގަޅަށް އެއްކޮށްލައިގެން ބޯށެވެ.
މަދުވެގެން ދުވާލަކު 100 އެމްއެލް ބޯށެވެ. އަރިދަފުސް ރޯގާ އާއި ކެއްސުމުން ފަސޭހަވާނެއެވެ. ފުއްޕާމޭ ސާފުކޮށްދޭނެއެވެ. އަދި ސައިނަސްއަށް ވެސް ލުއިލިބޭނެއެވެ. ގިނަ މީހުންނަށް ބޯންފަށާތަނުންވެސް ލުއިލިބޭކަން އިޙްޞާޞްކުރެވެއެވެ. އިން ޝާ ﷲ
- ފަޒީގެ ތަޖުރިބާއިން
