وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَىٰ
އަދި ތިމަންރަސްކަލާނގެ ޤުރްއާނަށް ފުރަގަސްދީފިމީހާ (ދަންނާށެވެ!) ފަހެ، ހަމަކަށަވަރުން، އެމީހަކަށްއޮތީ، ދަތި ދިރިއުޅުމެކެވެ. އަދި ޤިޔާމަތްދުވަހުން އެމީހަކު ކަނުމީހެއްގެ ގޮތުގައި މަޙްޝަރަށް ފޮނުއްވާހުށީމެވެ." (ޠާހާ: 124)
މިހާރަކަށް އައިސް ގިނައިން އަޑުއިވެއެވެ. "ޤާނޫނުގައި އޮތީ މިހެންނެވެ. އދ ގެ ޗާޓަރުގައި އޮތީ މިވެނިގޮތަށެވެ. މިވެނި އެވެނި ޖަމިއްޔާއަކުން ބުނަނީ މިހެންނެވެ." އެގޮތްގޮތަށް ޤާނޫނުވެސް ބުނެފާނެއެވެ. އެޖަމިއްޔާތަކުންވެސް ބުނެފާނެއެވެ.
ސުވާލަކީ ޤިޔާމަތް ދުވަހު ޖަވާބުދާރީވާންޖެހެނީ ﷲ ތަޢާލާއަށް ކަމުގައިވާއިރު ޤުރްއާނުގައި ބަޔާންވެގެންވާ ގޮތަށް ޢަމަލުނުކުރީމާ ދެންވާނީ ކިހނެއްހެއްޔެވެ؟ ތިބާގެ ދިފާޢުގައި މަޖިލީހާއި މަޖިލީހުގެ ރައީސް އާއި މަޖިލިސް މެންބަރުންނަށް ނުވަތަ ސަރުކާރަށް އެދުވަހު ކުރެވޭނީ ކޮން ކަމެއްހެއްޔެވެ؟ އދ އާއި ޖަމާޢަތްތަކަށް ކުރެވޭނީ ކޮންކަމެއް ހެއްޔެވެ؟
