މީހަކު ބަހެއް ބުނާއިރަށް ނުވަތަ ކިރިޔާ ކަމެއް ދިމާވާއިރަށް ބިރުގަންނަ މީހުން ދަނީ ގިނަވަމުންނެވެ. ބިރުން ތުރުތުރު އަޅައިގަނެއެވެ. ކަންބޮޑުވެ ތެޅިފޮޅިގަނެވެއެވެ. މިއީ އަހަރެމެން މުސްލިމުންނަށް ކަންކަން ކުރަން އޮތްގޮތެއް ނޫނެވެ.
އަހަރެމެންގެ އަޑު 7 އުޑުމަތިން ﷲ ތަޢާލާ އައްސަވައިވޮޑިގެންވެއެވެ. ބައްލަވައިވޮޑިގެންވެއެވެ. އަދި ވޮޑިގެންވަނީ އަހަރެމެންނާއިއެކުގައެވެ.
"އެކަލާނގެ ވަޚީ ކުރެއްވިއެވެ. ތިޔަ ދެބޭކަލުން ބިރުފުޅު ނުގަންނާށެވެ! ހަމަކަށަވަރުން، ތިމަންރަސްކަލާނގެ އައްސަވާވޮޑިގެން، އަދި ބައްލަވާވޮޑިގެންވާ ޙާލް، ތިޔަ ދެބޭކަލުންނާ އެކުގައި ވޮޑިގެންވަމެވެ.(46-20)
މިއީ ހަމަ އަހަރެމެންނަށްވެސް މިކަން އޮތް ގޮތެވެ. ހަމައެކަނި ތަފާތަކީ އަހަރެމެންގެ ކިޔަމަންތެރިކަމެވެ. ތަޤްވާވެރިކަމެވެ. އަހަރެމެންގެ ކިބައިގައިވެސް އެކަންކަން ބަހައްޓަންޖެހޭ ވަރަށް ބެހެއްޓޭނަމަ އެއްވެސް ތަފާތެއް ނެތެވެ. ޤުރްއާނުގައި ބަޔާންވެގެންވާ މިފަދަ އާޔަތްތައް ބަޔާންކުރައްވަވާފައިވަނީ ކިޔަވައި ޢަމަލުކުރާ އެންމެންނަށެވެ.
- އިސްލާމީ ތިލަފަތުގެ ދަރުސަކުން
