އިބްރާހީމް ބުން އަދްހަމް ރަޙިމަހުﷲ އަރިހުގައި މީހަކު ސުވާލުކުރިއެވެ.
"(ހޭލަން ބޭނުންވިނަމަވެސް) އަޅުގަނޑަކަށް ދަމުނަމާދަކަށް ނުހޭލެވެއެވެ. މިކަމުގެ ޙައްލެއް އަޅުގަނޑަށް ވިދާޅުވެދެއްވާށެވެ."
ޖަވާބުގައި ވިދާޅުވިއެވެ. "ދުވާލުގައި ﷲ ތަޢާލާއަށް އުރެދުން ތިބާ ދުކޮށްލާށެވެ! އެއިރުން ރޭގަނޑު ﷲ ތަޢާލާއަށް ކުއްތަންވުމުގެ ފުރުޞަތު ﷲ ތަޢާލާ ތިބާއަށް ދެއްވަވާނެތެވެ! ހަމަކަށަވަރުން ރޭގަނޑު ތިބާ އެއިލާހުގެ ޙަޟްރަތަށް ކުއްތަންވުމަކީ ވަރަށް މަތިވެރި ޝަރަފެކެވެ. އުރެދޭ މީހަކަށް އެ ޝަރަފް ޙައްޤުވެގެނެއް ނުވެއެވެ."
- ފަޟީލަތުއްޝައިޚް އިލްޔާސް ޙުސައިން
މިއީ ވަރަށް ޢިބްރަތްތެރި ބަސްފުޅެކެވެ. އެހެނީ ދަމުނަމާދަކީ ސުންނަތް ނަމާދުތަކުގެ ތެރެއިން ﷲ ތަޢާލާގެ ޙަޟްރަތުގައި އެންމެ މަތިވެރިކަންބޮޑު އަދި ލޮބުވެތިކަންވެސް ބޮޑު ނަމާދެވެ. އެނަމާދުކުރުމަކީ ﷲ ތަޢާލާއަށް އުރެދި ފާފަތައްކުރާ އަޅުންނަށް ޙައްޤުވެގެންވާ ޝަރަފެއް ނޫނެވެ.
