ދިވެހި ޤައުމުގެ މިނިވްނަކަމާއި އިސްތިޤްލާލާއި އަދި ރާއްޖޭގައި އިސްލާމް ދީން ޙިމާޔަތްކުރުމާއި ބެހޭގޮތުން ޙައްޤުބަހެއް މީހަކު ބުނެފިނަމަ ބަލަންޖެހޭނީ ބަސްބުނި މީހާއަކަށް ނޫނެވެ. އެބުނި ބަހަކަށެވެ.
އެހެނީ ﷲ ތަޢާލާ ލައްނަތްލެއްވެވި އިބިލީސްވެސް ތެދުބަހެއް ބުނުމުން (ރޭގަނޑު ނިދަމުން އާޔަތުލްކުރުސި ކިޔެވުމުން ނިދީން ހޭލަންދެން އެމީހަކު ޙިމާޔަތްކުރައްވަވާނެ ފާރަވެރިއަކު ﷲ ތަޢާލާ ލައްވަވާނެ ކަމަށް) އެއީ ތެދުބަހެއް ކަމަށް ރަސޫލް ﷺ ޙަދީޘްފުޅުކުރެއްވެވިއެވެ. ހަމަ އެއާއިއެކު އިބިލީހަކީ ދޮގުވެރިއެއްކަންވެސް ބަޔާންކުރެއްވެވިއެވެ.
ވީމާ ޙައްޤު ބަހެއް ބުނުމުން އޮތީ ބަސް ބުނި މީހާއަށް ބެލުމެއް ނޫނެވެ. އޭނާ ބުނި ޙައްޤުބަސް އެއީ ޙައްޤުބަހެއްކަމަށް ޤަބޫލުކުރުމެވެ. ޙައްޤު ގޮތަކީ ރަސޫލް ﷺ އުނގަންނަވައިދެއްވެވި ގޮތެވެ.
