"ޒައިދުގެފާނު ދިދަ ހިއްޕެވިތަނާ ޝަހީދުވެވަޑައިގެންފިއެވެ. ޖައުފަރުގެފާނު ދިދަ ހިއްޕެވިތަނާ އެކަލޭގެފާނުވެސް ޝަހީވެވަޑައިގެންފިއެވެ. ރަވާޙަތުގެފާނު ދިދަ ހިއްޕެވިތަނާ އެކަލޭގެފާނުވެސް ޝަހީދުވެވަޑައިގެންފިއެވެ. ދެން ދިދަ ހިއްޕެވީ ސައިފުﷲ (ޚާލިދް ބުނި ވަލީދު) އެވެ. ﷲ ތައާލާ ނަޞްރު ދެއްވެވީ އެކަލޭގެފާނުގެ އަތްޕުޅު މައްޗަށެވެ."
Prophet ﷺ said, "Zaid took the flag and was martyred; then Ja`far took the flag and was martyred, and then Ibn Rawaha took the flag and was martyred. Finally the flag was taken by one of Allah's Swords (Khalid bin Al-Walid) and Allah gave them victory." Sahih al-Bukhari 3757
މީސްތަކުންނޭވެ! މުސްލިމުންނަށް އޮތީ މާޔޫސްވެ އަމާން ދިނުމެއް ނޫނެވެ. ސާބިތުކަންމަތީގައި ދެމިތިބުމެވެ. ﷲ ތަޢާލާ ނަޞްރު ދެއްވަވާނެތެވެ.
ދުނިޔެ މިދަނީ ބަދަލުވަމުންނެވެ. ކުރިން މާތް މީހުންގެ ގޮތުގައި ފެނުނު މީހުންގެ ކިބައިން އަނިޔާވެރިކަމާއި އިންޞާފެއް ނެތްކަން މިދަނީ ފެންނަމުންނެވެ. ނަމަވެސް މާޔޫސް ނުވާށެވެ! މުސްލިމުންނަށް ﷲ ތަޢާލާ ނަޞްރު ދެއްވަވާނެތެވެ. އިން ޝާ ﷲ!
މީސްތަކުންނޭވެ! މުސްލިމުންގެ އެންމެ ވަރުގަދަ ހަތިޔާރަކީ ދުޢާ އެވެ. ދުޢާކުރުން ގިނަކުރާށެވެ! ހަމަ އެއާއިއެކު ނަޞްރު އެދިގެން މަސައްކަތްކުރާށެވެ! އިސާހިތަކު ފެނިގެންދާނީ ﷲ ތަޢާލާ ނަޞްރު ދެއްވަވާ ތަނެވެ. އިން ޝާ ﷲ!
--އިސްލާމީ ތިލަފަތުގެ ދަރުސަކުން
