"ކުރިން ރޯދަ ނުހިފައި ނަމާދުނުކޮށް އުޅުނު މީހަކަށްވެސް ޝަޢްބާންމަހު ސުންނަތް ރޯދަހިފިދާނެއެވެ. ނަމަވެސް ފުރަތަމަކަމަކަށް ޝަހާދަތް ކިޔައި އިސްލާމްވާނީއެވެ. ދެން ކުރިން ކުރެވުނު ކަންތައްތަކަށް ތައުބާވެ ހެޔޮ ޢަމަލުކުރުން ގިނަކުރާނީއެވެ. ކުރިން އޭނާއަކީ ނަމާދުނުކޮށް އުޅުނު މީހަކަށްވީތީވެ އެއިރު ނުހިފާ ދޫކޮށްފައި ހުރި ރޯދަތައް ޤަޟާކުރާކަށް ނުޖެހޭނެއެވެ."
- ޑރ. މުޙައްމަދު އިޔާޟް ޢަބްދުއްލަޠީފް
ޑރ. އިޔާޟްގެ މިބަސްފުޅުން އެނގެނީ ނަމާދުނުކުރާ މީހަކުނަމަ ފުރަތަމަ ކަމަކަށް އޮތީ ޝަހާދަތްކިޔައި އިސްލާމްވެ ނަމާދުކުރަންފެށުން ކަމެވެ. ރޯދަހިފުން އޮތީއެއިގެފަހުން ކަމެވެ. ނަމާދުނުކޮށް ހުރުމުގެ ފާފައިގެ ބޮޑުކަމެވެ.
ބައެއް ޢިލްމުވެރިން ވިދާޅުވާ ގޮތުގައި މިޙާލަތުން އިސްތިސްނާވާނީ ނަމާދުކުރުމުގެ މުހިންމުކަން ނުއެނގޭ އަލަށް އިސްލާމްވާ މީހުންނެވެ. ކޮންމެ ދުވަހަކުވެސް ފަރުޟު 5 ނަމާދުކުރަންޖެހޭ ކަމާއި އިސްލާމްކަމާއި ކާފިރުކަމާއި ދެމެދުގައިވަނީ ނަމާދު އަލައިފުންކަން އެގޭ މީހުންނަށް ޖެހޭނީ އިސްލާމްވެ ތައުބާވެ ނަމާދުކޮށް ހެޔޮޢަމަލުކުރާ މީހަކަށްވާށެވެ.
އިމާމް އަޙްމަދު ވިދާޅުވެފައިވަނީ ކަންނެތްކަމުން ނަމާދުނުކުރާ މީހާއަކީ ކާފިރެއް ކަމަށެވެ.
ގުޅުންހުރި ލިޔުން:
https://islamqa.info/en/answers/5208/neglecting-prayer-out-of-laziness
