ކޮންމެ ނަމާދަކީވެސް ﷲ ތަޢާލާގެ ޙަޟްރަތުގައި ލޮބުވެތިކަން ބޮޑުވެގެންވާ ނަމާދެކެވެ. އެހެންކަމާއިއެކުވެސް ހުކުރުވިލޭރޭ ޖަމާޢަތުގައި ކުރާ ފަތިސްނަމާދަކީ އެންމެ ޚާއްޞަ ނަމާދެވެ. އެހެނީ ﷲ ތަޢާލާގެ ޙަޟްރަތުގައި އެންމެ ލޮބުވެތިކަންބޮޑުވެގެންވާ ނަމާދަކީއެއީއެވެ.
ފަތިސްނަމާދަކީ ވަރަށް ގިނަ ގޮތްގޮތުން ޚާއްޞަވެގެންވާ ނަމާދެކެވެ. އެހެނީ ފަތިސްނަމާދުން ދުވަސްފަށާ މީހާ ދުވަސް އެފަށަނީ ﷲ ތަޢާލާއަށް ކިޔަމަންތެރިވެ އެކަލާނގެ އެންގެވި ގޮތުގައެވެ. އޭނާގެ އަރާމު ނިދި ޤުރްބާންކޮށްލައިފައެވެ.
ﷲ ތަޢާލާ އަންގަވާފައިވާ ގޮތުގައި ދުވަސްފެށުމުން އެމީހަކަށް ރިޒްޤް އިތުރުކުރައްވަވާނެތެވެ. އެމީހާ އެދުވަހު ކުރަންހުރި މަސައްކަތްތައް ކުރަން ފަސޭހަވެ ކާމިޔާބީ އިތުރުކުރައްވަވާނެތެވެ. އިން ޝާ ﷲ
އަދިވެސް ހަނދާންކޮށްލުން ރަނގަޅެވެ. އެނަމާދަކީ ދުނިޔެއާއި ދުނިޔޭގައިވާހައި އެއްޗަކަށްވުރެ ﷲ ތަޢާލާގެ ޙަޟްރަތުގައި ލޮބުވެތިކަން ބޮޑުވެގްންވާ ފަތިސްނަމާދުގެ އިހުސުންނަތުގެ 2 ރަކްއަތްވެސް ގުޅިފައިވަނީ ފަތިސްނަމާދާއިއެވެ. ވީމާ ފަތިސްނަމާދަށް ބަންގިގޮވާއިއރު މިސްކިތުގައި ހުރުމަކީ ހަމަކޮންމެހެންވެސް ކުރަންޖެހޭނެ ކަމެކެވެ.
- އިސްލާމީ ތިލަފަތުގެ ދަރުސަކުން
عن ابْنَ عُمَرَ قَالَ قَالَ رَسُولَ اللَّهِ صَلَّى اللَّهُ عَلَيْهِ وَسَلَّمَ إِنَّ أَفْضَلَ الصَّلَوَاتِ عِنْدَ اللَّهِ صَلاةُ الصُّبْحِ يَوْمَ الْجُمُعَةِ فِي جَمَاعَةٍ
Ibn Umar reported: The Messenger of Allah, peace and blessings be upon him, said,
“Verily, the best of prayers to Allah is the dawn prayer in congregation on Friday.”
Source: Shu’ab al-Imān 2790
Grade: Sahih (authentic) according to Al-Albani
