ސުވާލު:. ކައިވެނި ނުކޮށް އެހެންމީހެއްގެ ދެވަނަ އަންހެނެއްގެ ގޮތަށް ހުރެވޭނެތަ؟ އަދި އެފިރިހެންމީހާ ބުނީ ތިމަންނަ ހުރިހާ ޚަރަދެއް ވެސް ކުރާނެ ކަމަށް. އިސްލާމްދީނުގައިމިކަން އޮންނަގޮތް ބުނެދީފާނަންތޯ؟
ޖަވާބު:. ކައިވެނި ނުކޮށް އަތްބަކަށް ނުވެވޭނެ.
އިތުރު ބައެއް ސުވާލު:
ސުވާލު:. ދޮށީ އަނބިމީހާއަށް ހަގު އަނބިމީހާ ވަރިކުރުމަށް އެދި ފިރިމީހާއަށް މަޖުބޫރު ކުރެވިދާނެތޯ؟ އެއީ ދީނީގޮތުން ކޮންކަހަލަ ކަމެއްތޯ؟
ޖަވާބު:. ނުކުރެވޭނެ. އެއީ ބޮޑު ނުބައެއް.
ސުވާލު:. އަނބިމީހާ ފިރިމީހާގެ ހުއްދަހޯދައިގެން ހުއްދައާއިއެކު ހިލޭ ފިރިހެނަކާއި ގުޅުން ބޭއްވުމަކީ ކޮންކަހަލަ ކަމެއްތޯ؟
ޖަވާބު:. ހުއްދައާއި އެކުވިޔަސް އަދި ނޫންވިއަސް އެއީ ހުއްދަ ކަމެއްނޫން.
ސުވާލު:. ރައްޓެހިވެގެން އުޅޭ ކުއްޖާއާއިއެކު ޖިންސީ ގުޅުމެއް ހިންގާފައިވެސް ފެންވަރާނީ .... ދެމަފިރިންވެސް ފެންވަރާ ގޮތަށްތަ؟
ޖަވާބު:. ފުރަތަމަ ކަމަކީ ރައްޓެހިވެގެން އުޅުމެއް ނެތެވެ. އަދި ޒިނޭ ކުރުމަކީވެސް ބޮޑުފާފައެކެވެ. ވީމާ، ތިޔަ ދެކަންތަކުން ތައުބާވާން ޖެހެއެވެ. ތިޔަފަދަ މުޑުދާރު ކަމެއް ކުރެވުނު ނަމަވެސް ޖުނުބުގެ ހިނެއުން ހިނައިގަންނަން ވާނެއެވެ.
ސުވާލު:. ވުޟޫގެ ގުނަވަންތަކަށް ފެންލުމުގައި ދުލުން އެއްވެސް އެއްޗެއް ކިޔަން އައިސްފައިވޭތޯ؟
ޖަވާބު:. ވުޟޫ ކުރަން ފަށަމުން "ބިސްމިﷲ" މިފަދައިން ކީމާ ފުދޭނެ. އިންޝާﷲ.
ޖަވާބު ދެއްވީ: ޑރ. މުޙައްމަދު އިޔާޟް ޢަބްދުއްލަޠީފް.
