މީހުންގެ ޙައްޤުތަކަށް އަރައިގަނެ މީހުންގެ މުދާ ދިރުވާލައިގެން ތިބެ ރޯދަ ހިފުމަކީ ވިސްނަންޖެހޭނެ ކަމެކެވެ. ރަމަޟާން މަހަށް ތައްޔާރުވުމުގެ ގޮތުން ކުރަންޖެހޭނެ ކަންކަމުގެ ތެރޭގައި މީސްތަކުންގެ ހައްޤުތައް ފުރިހަމައަށް އަދާކުރުން ހިމެނެއެވެ. ތިމާގެ ނަފްސް ޠާހިރުކުރަން ޖެހޭނެއެވެ. އެހެން މީހުންގެ ހައްޤުތައް އަދާކުރުމަކީ ނަފްސް ޠާހިރުކުރުމުގެ ތެރޭގައި ވެސް ހިމެނޭ ކަމެކެވެ.
މީހުންގެ އަތުން މަކަރާއި ހީލަތުން ފައިސާ ހޯދައި ފައިސާ ދައްކަންޖެހޭ ދުވަސް އައުމުން އެކަމާއިމެދު އެއްވެސް ވަރަކަށް އަޅައިވެސް ނުލާބައަކު އަޅުގަނޑުމެންގެ ތެރޭގައި އެބައުޅެއެވެ. އަނބުރާ ފައިސާ ދޭން ބުނި ދުވަސް އައުމުން ތިމާއަށް ފައިސާ ދިން މީހާ ފެނުމުން އެއީ ނުވެސް ދަންނަ މީހަކަށް ހަދައި އަޅައިވެސް ނުލާ މީހުން އެބައުޅެއެވެ. އެފަދަ ކަންކަމަކީ މުސްލިމުން އެއްގޮތަކަށްވެސް ކުރަން ހެޔޮވާނެ ކަންކަން ނޫނެވެ.
މަކަރާއި ޙީލަތުން ފައިސާ ހޯދުމަށްފަހު ނުވަތަ ތިމާއަށް ބޭނުމެއް ޖެހިގެން ފައިސާ ހޯދުމަށްފަހު އެކަމަށް ޚިޔާނާތްތެރިވުމަކީ މީހުން ބުރަމަސައްކަތްކޮށްގެން ހޯދާ އެމީހުންގެ މުދާ ދިރުވައިލުމެވެ. އެފަދަ ކަންކަން ކުރާއިރު ތިމާގެ އަމަލުތައް ހިސާބުކުރެވޭނެ ދުވަހެއް އޮތްކަމާއި މީސްތަކުންގެ ހައްޤުތައް އަދާކުރަން ޖެހޭނެ ދުވަހެއް އޮތްކަމަށް ވިސްނައި ބިރުވެޔިވާންޖެހޭނެ އެވެ.
--ޝައިޚް ޢަލީ ޒައިދުގެ ދަރުސަކުން
އަނބުރައި ދެއްކޭނެ ކަމުގެ އެއްވެސް ޔަޤީންކަމެއް ނެތި ދަރަނިވެރިނުވާށެވެ! ނުކުރެވިހުރިކަމެއް ނުކޮށް ފުއްދައިލާށެވެ! އަނބުރައި ދެއްކޭނެ ގޮތެއް ނެތި ދަރަންޏަށް ނަގައި ނުދެއްކިއްޖެ ނަމަ އެއީ މިންވަރުފުޅުކަމަކަށްވެސް ނުބުނެވޭނެއެވެ! އެއީ ތިބާ ދަރަނި ނެގީ ނުދެއްކިދާނެކަން އެނގިހުރެކަމަށްވާތީއެވެ.
އަނބުރައި ދެއްކޭނެ ގޮތެއް ނެތި ދައްކާނެ ކަމަށްބުނެ ދަރަންޏަށް ފައިސާ ނުވަތަ ތަކެތި ހޯދުން މަކަރާއި ޙީލަތުގެ ޢަމަލަކަށްވެސްވެގެން ހިނގައިދާނެއެވެ. ވީމާ ބިރުވެތިވާށެވެ! ދަރަނިވެރިނުވާށެވެ! ދަރަނި ވާނީ އެހެންމީހަކަށް އަދާކުރަންޖެހޭ ޙައްޤަކަށެވެ. އެހެން މީހުންނަށް އަދާކުރަންޖެހޭ ޙައްޤަކަށް ﷲ ތަޢާލާ ޢަފޫނުކުރައްވަވާނެތެވެ! ޖެހޭނީ ހަމަ ބަދަލުދޭށެވެ! ބަދަލުގައި ދޭނެ ހެޔޮކަން ނެތްނަމަ ޖެހޭނީ އޭނާކޮށްފައިވާ ބޮޑެތި ފާފަތަކާއި ހަވާލުވާށެވެ!
މިއީ ކާކަށް ކުޅަދާނަވާނެ ކަމެއް ހެއްޔެވެ؟ ލިބުނު މިންވަރަކަށް ކައިގެންވެސް ދުނިޔޭގައި އުޅެވިދާނެއެވެ! ނަމަވެސް ނަރަކައިގައި ފަޅިސިކުންތަކަށްވެސް ކެތްކުރުމަކީ ކުރެވޭނެ ކަމެއް ނޫނެވެ. ވީމާ ދުނިޔޭގައި އުޅެންޖެހޭ ދަތިޙާލަށް ކެތްތެރިވާށެވެ! ނުދަރައި ދުވާލަކު އެއްއިރު ކައިގެން ހުރެވުމަކީވެސް ހަމަ މަތިވެރި ނިޢްމަތެކެވެ. ޝުކުރުވެރިވާށެވެ!
އަޅުގަނޑުމެންގެ ހާލަތު މިހިސާބަށް މިދިއައީ މިހާލަތަށް ދާންނުޖެހޭއިރުވެސް މަކަރާއި ހީލަތް ހެދުން އިންތިހާއަށް އިތުރުވެފައިވަނިކޮށެވެ! ދަރަނީގެ ނަމުގައި މަކަރާ ހީލަތުން ފައިސާ ހޯދުމުގެ އަމަލުތައް އިންތިހާއަށް ގޮސްފައިވަނިކޮށެވެ!
ތިމާ އާއި ތިމާގެ އަނބިދަރިން ދިރިއުޅުމަށް ތަންތަން ކުއްޔަށް ހިފުމަށްފަހު ކުލި ނުދެއްކުމުން ޝަރީއަތަށް ދިއުމުން ކޯޓުގައި "އެއީ ތިމަންނަ ކުއްޔަށް ހިފިތަނެއް ނޫނޭ، އެގްރިމަންޓް ކޮށްފައި އޮންނަނީ އަޅުގަނޑުގެ ކުންފުނީގެ ނަމުގައޭ، ފައިސާ ހޯދަން ކުންފުންޏާއި ދައުވާ ކުރާށޭ، ބުނަން ކެރޭ މުއްސަނދި ވިޔަފާރިވެރިން އެބަ ތިއްބެވެ. އަދި އެފަދަ މީހުން ރޯދަ ހިފާކަމަށްވެސް ބުނެއެވެ. ވީމާ ޝައިޚް ޢަލީ ޒައިދުގެ ނަޞޭޙަތްފުޅަކީ މިފަދަ އެންމެންނަށް ވަރަށް މުހިންމު އިލްތިމާސެއްކަން ފާހަގަ ކުރެވެއެވެ.
އަނބުރައި ދެއްކޭނެ ކަމުގެ އެއްވެސް ޔަޤީންކަމެއް ނެތި ދަރަނިވެރިނުވާށެވެ! ނުކުރެވިހުރިކަމެއް ނުކޮށް ފުއްދައިލާށެވެ! އަނބުރައި ދެއްކޭނެ ގޮތެއް ނެތި ދަރަންޏަށް ނަގައި ނުދެއްކިއްޖެ ނަމަ އެއީ މިންވަރުފުޅުކަމަކަށްވެސް ނުބުނެވޭނެއެވެ! އެއީ ތިބާ ދަރަނި ނެގީ ނުދެއްކިދާނެކަން އެނގިހުރެކަމަށްވާތީއެވެ.
އަނބުރައި ދެއްކޭނެ ގޮތެއް ނެތި ދައްކާނެ ކަމަށްބުނެ ދަރަންޏަށް ފައިސާ ނުވަތަ ތަކެތި ހޯދުން މަކަރާއި ޙީލަތުގެ ޢަމަލަކަށްވެސްވެގެން ހިނގައިދާނެއެވެ. ވީމާ ބިރުވެތިވާށެވެ! ދަރަނިވެރިނުވާށެވެ! ދަރަނި ވާނީ އެހެންމީހަކަށް އަދާކުރަންޖެހޭ ޙައްޤަކަށެވެ. އެހެން މީހުންނަށް އަދާކުރަންޖެހޭ ޙައްޤަކަށް ﷲ ތަޢާލާ ޢަފޫނުކުރައްވަވާނެތެވެ! ޖެހޭނީ ހަމަ ބަދަލުދޭށެވެ! ބަދަލުގައި ދޭނެ ހެޔޮކަން ނެތްނަމަ ޖެހޭނީ އޭނާކޮށްފައިވާ ބޮޑެތި ފާފަތަކާއި ހަވާލުވާށެވެ!
މިއީ ކާކަށް ކުޅަދާނަވާނެ ކަމެއް ހެއްޔެވެ؟ ލިބުނު މިންވަރަކަށް ކައިގެންވެސް ދުނިޔޭގައި އުޅެވިދާނެއެވެ! ނަމަވެސް ނަރަކައިގައި ފަޅިސިކުންތަކަށްވެސް ކެތްކުރުމަކީ ކުރެވޭނެ ކަމެއް ނޫނެވެ. ވީމާ ދުނިޔޭގައި އުޅެންޖެހޭ ދަތިޙާލަށް ކެތްތެރިވާށެވެ! ނުދަރައި ދުވާލަކު އެއްއިރު ކައިގެން ހުރެވުމަކީވެސް ހަމަ މަތިވެރި ނިޢްމަތެކެވެ. ޝުކުރުވެރިވާށެވެ!
އަޅުގަނޑުމެންގެ ހާލަތު މިހިސާބަށް މިދިއައީ މިހާލަތަށް ދާންނުޖެހޭއިރުވެސް މަކަރާއި ހީލަތް ހެދުން އިންތިހާއަށް އިތުރުވެފައިވަނިކޮށެވެ! ދަރަނީގެ ނަމުގައި މަކަރާ ހީލަތުން ފައިސާ ހޯދުމުގެ އަމަލުތައް އިންތިހާއަށް ގޮސްފައިވަނިކޮށެވެ!
މީގެ 3 އަހަރުކުރިން ޝައިޚް ޢަލީ ޒައިދު ވަނީ ދަރަނި ނެގުމާއި މަކަރުހެދުން އެއިރު އޮތް މިންވަރަށް ބައްލަވައިލައްވައިފައެވެ.
