ސުވާލު: މީހަކު ބުނި އެއްޗެއް ހިއްސާކޮށްލާނަން. އެ މީހަކު ބުނީ ޤުރުއާނުގައި އަންގަވައިފައެއް ނެތޭ ޕީރިއަޑް ދުވަސްވަރު ނަމާދު ނުކުރަން އަދި ރޯދަ ނުހިފަން. އަންގަވައިފައި ވަނީ ހަމައެކަނި ޖިމާޢުނުވުމަށޭ. އެހެންވީމާ ޕީރިއަޑް ދުވަސްވަރު ނަމާދު ކުރަންވާނޭ. މި ކަމާ ބެހޭ ގޮތުން އެއްޗެއް ބުނެލަދިނުން އެދެން.
ޖަވާބު: ޤުއާނާއި ސުންނަތް އަދި އިޖުމާޢުއާއި ޤިޔާސް އަކީ އިސްލާމީ ޝަރީޢަތުގެ މަސްދަރުތަކެވެ. ވީމާ ޤުރުއާނުގައި ކުރުކޮށް ބަޔާންކުރައްވައިފައިވާ ކަންކަން ޙަދީޘްގައި އައިސްފައިވެއެވެ. މިސާލަކަށް ޤުރުއާނުގައި އޮންނާނީ ނަމާދުކުރާށެވެ. ނަމަވެސް ރެއަކާއި ދުވާލު ކުރާނޭ ކިތައް ނަމާދުކަމާއި ނަމާދުތަކުގެ ރަކްޢަތުގެ ޢަދަދު އަންގައިދީފައިވަނީ ޙަދީޘްގައެވެ.
- ޖަވާބުދެއްވީ ޑރ. މުޙައްމަދު އިޔާޟް ޢަބްދުއްލަޠީފް
