ޤަޟާކުރުން ވާޖިބުވެފައިވާ ރޯދަތަކުގެ ޢަދަދާމެދު ޝައްކުވެއްޖެނަމަ ފަހެ އޭނާ ހިފާނީ އޭގެ މަދުމިންވަރެވެ. މިޘާލަކަށް އަންހެނަކު ނުވަތަ ފިރިހެނަކުވިޔަސް، ތިން ރޯދަތޯ ނުވަތަ ހަތަރުރޯދަތޯ ހިފަންޖެހިފައިވަނީ ޝައްކުވާނަމަ ފަހެ އޭނާ އެތަނުން ޤަޟާކުރާނީ މަދުމިންވަރެވެ.[ތިން ރޯދައެވެ.] އެހެނީ އެއީ ޔަޤީންވެގެންވާ މިންވަރެވެ. އެއަށްވުރެ އިތުރުވެފައިވާ މިންވަރަކީ އެއީ ޝައްކުވެފައިވާ މިންވަރެވެ. އަޞްލަކީ އޭނާގެ ޛިންމާ ބަރީއަވެގެންވުމެވެ.
އެހެނަސް އެންމެ ރައްކާތެރިގޮތަކީ އޭނާއަށް އެ ޝައްކުވެފައިވާ ދުވަހުގެ ރޯދަވެސް ޤަޟާގެ ގޮތުގައި ހިފުމެވެ. އެހެނީ:
– އެދުވަހަކީ އޭނާ ރޯދަހިފުން ވާޖިބު ދުވަހެއްނަމަ އޭނާގެ ޛިންމާއިން އެބަރީއަވީއެވެ.
– އޭނާގެ މައްޗަށް އެރޯދަ ވާޖިބުނޫންނަމަ އެވެގެންދާނީ ސުންނަތް ރޯދައަކަށެވެ.
އިޙްސާންތެރީންގެ އަޖުރު ﷲ ތަޢާލާ ބާޠިލުނުކުރައްވާނެއެވެ.
ފަޟީލަތުއްޝައިޚް މުޙައްމަދު ބުން ޞާލިޙުލް ޢުޘައިމީން – رحمه الله –
"فتاوى نور على الدرب"
