ބައެއް މީހުން ބުނެއެވެ. އަދި ސުވާލުވެސް ކުރެއެވެ. "ފާފަ ފުއްސަވައިދެއްވެވުން އެދިގެން އެންމެ ފަހަރަކު ދެންނެވިނަމަވެސް ފާފަފުއްސަވައިދެއްވަވާނެއިރު ދެން ކޮންމެ ދުވަހަކު 70/ 100 ފަހަރު އަސްތަޣްފާރުކުރަންވީ ކީއްވެގެން ހެއްޔެވެ؟"
އަހުރެންގެ ވިސްނުމުގައި އެކަމަށް އޮތީ 3 ސަބަބެކެވެ.
ފުރަތަމަ ކަމަކީ ކުރެވުނު ފާފަތަކާއިމެދު ހިތާމަކުރާކަމާއި ކުރެވުނު ފާފަތައް ފުއްސަވައި ދެއްވެވުން އެދި ގިނަގިނައިން ދެންނެވުމުން އެކަމާއި އެމީހަކު ދެރަވެފައި ހުރިވަރު ހާމަވެގެންދާ ކަމެވެ.
ދެވަނަ ކަމަކީ ފާފަފުއްސަވައި ދެއްވެވުން އެދި ގިނަގިނައިން ދެންނެވުމަކީ އެމީހާގެ ދަރަޖަ ﷲ ތަޢާލާގެ ޙަޟްރަތުގަ އުފުއްލަވައި ދެއްވަވާ ސަބަބަކަށްވުމެވެ.
ތިންވަނަ ކަމަކީ ﷲ ތަޢާލާގެ ރުހިވޮޑިގަތުން ލިބި އެމީހާ އެދޭ ބޭނުންތައް ފުއްދަވައި ދެއްވަވާ ކަމެވެ.
އަހުރެންގެ ވިސްނުމުގައި މި 3 ކަންތަކަށްވުރެ މުހިންމުކަންބޮޑު 3 ކަމެއް އެއްވެސް އިންސާނަކަށް ނުވެއެވެ. ރަސޫލާ އެއްވެސް ފާފައެއް ނުކުރައްވަވާއިރުވެސް ކޮންމެ ދުވަހަކު 70/ 100 ފަހަރު އަސްތަޣްފާރުކުރެއްވެވީވެސް ހަމަ މި ސަބަބުތަކަށްޓަކައެވެ.
- މުފްތީ މެންކުގެ ދަރުސަކުން
