ބައެއް މީހުން ކަމެއްވާއިރަށް "އޯ މައި ގޯޑް" ބުނެއެވެ. މުސްލިމަކު އެހެން ބުނުމުން އެދައްކަނީ ﷲ ތަޢާލާގެ ވާހަކަކަން އެނގޭނެއެވެ. އަދި އެހެންބުނުމަކީ މަނާވެގެންވާ ކަމެއްކަމަކަށްވެސް ނުބުނަމެވެ. އެހެންކަމާއިއެކުވެސް އަހުރެންގެ ނަޒަރުގައި އެއީ މުސްލިމުން ބުނަން އެހައި ރަނގަޅު ބަހެއް ނޫނެވެ.
އެހެނީ ކަންކަން ކުރިމަތިވުމުން ﷲ ތަޢާލާއަށް ނިޞްބަތްކޮށް ބުނާނެ މާފުރިހަމަ، މާ ފައިދާހުރި ކަލިމަތައް އެބަހުއްޓެވެ.
އެގޮތުން:
لاَ إِلَهَ إِلاَّ اللَّهُ ، سُبْحَانَ اللّه، ، اَلْحَمْدُ لِلّٰهِ
ما شاء الله، تبارك الله
ފަދަ ކަލިމަތައް ކިޔާށެވެ. އެއަށްވުރެ އިތުރަށް ބުނަން ބޭނުންވެއްޖެނަމަ:
"لا حول ولا قوة إلا بالله"
ފަދަ ކަލިމަތައް ކިޔާށެވެ!
މުސްލިމުން ﷲ ތަޢާލާގެ ނަންފުޅު ގަނެ، ބަސްބުނަންވާނީ އެންމެ މަތިވެރިކަންބޮޑު ކަލިމަތަކުންނެވެ. ފުރިހަމަ ގޮތުގައި ﷲ ތަޢާލާ މަތިވެރިކުރުމަކީ އެއީއެވެ. ކޮންމެއަކަސް ބައެއް މީހުން މިކަމުގައި ސުވާލުކުރާތީ އަހުރެންގެ ވިސްނުން ހާމަކޮށްލީއެވެ، މިކަމުގައި ޚާއްޞަ އަމުރެއް ނެރުނީއެއް ނޫނެވެ.
- މުފްތީ މެންކުގެ ދަރުސަކުން
