ރައްޔިތުންގެ މަޖިލިހުގެ ތަޅުމުގައި ފުރަތަމަފަހަރަށް ބަންގީގެ އަޑު އިއްވަން ފަށައިފިއެވެ.
މިއީ ރައްޔިތުންގެ މަޖިލިހުގެ ތަޅުމުގައި ޖަލްސާއެއް ހިނގަމުން ދަނިކޮށް ނަމާދު ވަގުތު ޖެހުމުން އެކަން އަންގައި ދިނުމުގެ ގޮތުން ބަންގީގެ އަޑު އިއްވަން ފެށި ފުރަތަމަފަހަރެވެ.
މީގެކުރިން މީގެ ކުރިން ޖަލްސާތައް ކުރިއަށްދާއިރު ނަމާދު ވަގުތާ ދިމާވާނަމަ ޓީވީތަކުން ލައިވްކުރާއިރު ބަންގިއަށް މެދުކަނޑާލައެވެ. ނަމަވެސް ޖަލްސާ ކުރިއަށްދެއެވެ. ރިޔާސަތުން ބައެއްފަހަރު ބަންގި ވަގުތު ކަމަށް އަންގައި ބަހުސް މެދުކަނޑާލައެވެ.
މިކަމާގުޅިގެން ސޯޝަލް މީޑިއާގައި ބައެއްފަރާތްތަކުން ބުނެފައިވަނީ މިއީ އުފާވެރި މަންޒަރެއް ކަމަށާއި މަޖިލީހުގެ ނިންމުމަށް މަރުޙަބާ ކިޔާކަމަށެވެ.
