އޮސްޓްރޭލިއާގަ ރާޅާ އަޅަން ދަސްކުރަން އުޅުނު މީހަކަށް ބޮޑު މިޔަރެއް ހަމަލާ ދީފިއެވެ. 24 އަހަރުގެ ޒުވާނާގެ ފުރާނަ ސަލާމަތް ކުރެވުނު ނަމަވެސް ވަރަށް ބޮޑަށް ޒަޚަމްވެފައެވެ.
އެނާ ބަލައިދިއަ އެމްބިޔުލާންސްގެ މީހުން ބުނީ ޒުވާނާ ހުރީ ވަރަށް ވަރުގަދަ ސޫޓެއް ވެސް ލައިގެން ކަމަށާއި ނަމަވެސް ދަތް އަޅާފައި ހުރިވަރުން މީގައި ހަށިގަނޑުގައި ޒަޚަމްތައް ހުރި ކަމަށެވެ. އޮސްޓްރޭލިއާ އަކީ މިޔަރު އެންމެ ގިނައިން މީހުންނަށް ހަމަލާ ދިނުމުގެ މައްސލަތައް ކުރިމަތިވާ ޤައުމެވެ. ފާއިތުވި 2 މަސް ދުވަހަށް ބެލި ނަމަވެސް 6 މީހަކަށް މިއަރު ވަނީ ހަމަލާ ދީފައެވެ.
