ސަޖިދަކުރުން ގިނަކުރުމުން ލިބޭ އެންމެ ބޮޑު ފައިދާއަކީ އެމީހަކާ ވައިއެޅެންވެސް ޝައިޠޯނާ ޖެހިލުންވުމެވެ. އެފުރުޞަތުވެސް ޝައިޠޯނާއަށް ގެއްލުމެވެ. އެއީ އެމީހާގެ ވަށައިގެން ރަޙްމަތުގެ މަލާއިކަތުން އަބަދުވެސް ތިއްބަވައި ޝައިޠޯނާއަށް ހުރަސްއަޅުއްވަވާނެތީއެވެ. އިން ޝާ ﷲ
ސުވަރުގޭގެ އެންމެމަތިވެރި ނިޢްމަތަށް ވާސިލުވެވުމާއި ސަޖިދަ ކުރުމާއި ވަނީ ވަރަށް ބޮޑަށް ގުޅިފައެވެ. އެހެނީ ރަސޫލް (ﷺ) ވާނީ ސުވަރުގޭގެ އެންމެމަތިވެރި ދަރަޖައިގައެވެ. ރަސޫލް (ﷺ) ގެ އަރިއަހުގައި ސުވަރުގޭގައި ވުމަށް އޮތް އެއް މަގަކީ ސަޖިދަކުރުން ގިނަކުރުމާއި ސަޖިދައިގައި ހޭދަކުރާ ވަގުތު ގިނަކުރުމެވެ.
ކޮންމެމުސްލިމަކުވެސް އެންމެބޮޑަށް އެދޭނެ ކަމަކީ ސުވަރުގޭގެ އެންމެ މަތިވެރި ދަރަޖައަށް ވާސިލުވުމެވެ! އެ މަޤްޞަދު ޙާޞިލުކުރެވެން އޮތް މަގު މިބުނެދެނީ ރަސޫލް (ﷺ)ގެ ޙަދީޘްފުޅަކުންނެވެ.
ސުވަރުގޭގައި ރަސޫލް (ﷺ) އާއި އެންމެ އަރިހުގައި ވާން ބޭނުން މީހާ ސަޖިދަކުރުން ގިނަކުރާށެވެ! އަދި ސަޖިދައިގައި ހޭދަކުރާ ވަގުތުވެސް ގިނަކުރާށެވެ! އެކަން އެނގިގެންދަނީ ރަސޫލް (ﷺ)ގެ ޙަދީޘްފުޅަކުންނެވެ.
ރަސޫލް (ﷺ)ގެ ޚިދުމަތުގައި އުޅުއްވެވި މާތް ޞަޙާބީ ބޭކަލެއް ކަމުގައިވާ ރަބީޢަ އިބްން ކައްބް ގެ އަރިއަހުގައި ބޭނުންފުޅުކަމަކު އެދިވަޑައިގަތުމަށް ރަސޫލް (ﷺ) ޙަދީޘްފުޅު ކުރެއްވެވުމުން އެދިވަޑައިގަތީ ސުވަރުގޭގައި ރަސޫލް (ﷺ)ގެ އަރިއަހުގައިވެވަޑައިގަތުމަށެވެ. އެނޫން އެހެން ކަމަކަށް ބޭނުންފުޅުވެވަޑައިގަންނަވަމުތޯ ސުވާލުކުރެއްވެވުމުން ވެސް ދެންނެވީ އެދިވަޑައިގަންނަވަނީ ހަމައެކަނި އެކަމަށް ކަމަށެވެ.
އެހިނދު ޙަދީޘްފުޅުކުރެއްވެވީ ގިނަގިނައިން ސަޖިދަ ކުރެއްވެވުމުން އެހީތެރިވެދެއްވުމަށެވެ. (ސަޖިދަކުރެއްވުން ގިނަކުރެއްވެވުމަށެވެ.)
عَنْ رَبِيعَة بْن كَعْبٍ الْأَسْلَمِيُّ قَالَ كُنْتُ أَبِيتُ مَعَ رَسُولِ اللَّهِ صَلَّى اللَّهُ عَلَيْهِ وَسَلَّمَ فَأَتَيْتُهُ بِوَضُوئِهِ وَحَاجَتِهِ فَقَالَ لِي سَلْ فَقُلْتُ أَسْأَلُكَ مُرَافَقَتَكَ فِي الْجَنَّةِ قَالَ أَوْ غَيْرَ ذَلِكَ قُلْتُ هُوَ ذَاكَ قَالَ فَأَعِنِّي عَلَى نَفْسِكَ بِكَثْرَةِ السُّجُو
މި ޙަދީޘްފުޅުގައި " بِكَثْرَةِ السُّجُو " އޮތް ބަސްފުޅުގެ މާނައަކީ ހަމައެކަނި ސަޖިދަކުރުން ގިނަކުރުމެއް ނޫނެވެ. ސަޖިދައިގައި ހޭދަކުރާ ވަގުތުވެސް ގިނަކުރުމެވެ.
Rabi’ah ibn Ka’b reported: I spent the night with the Messenger of Allah, peace and blessings be upon him, and I brought water him water for his ablution and his needs. The Prophet said to me, “Ask.” I said, “I ask for your companionship in Paradise.” The Prophet said, “And anything else besides that?” I said, “That is all.” The Prophet said, “Then help me do it for you by prostrating often.”
Source: Ṣaḥīḥ Muslim 489
Abu Huraira reported: The Messenger of Allah, peace and blessings be upon him, said, “The servant is closest to his Lord during prostration, so increase your supplications therein.”
Source: Ṣaḥīḥ Muslim 482
Grade: Sahih (authentic) according to Muslim
- އިމާމް ޢުމަރު ސުލައިމާންގެ ދަރުސަކުން
