يحيى بن معاذ رحمه الله ދުޢާދެންނެވިއެވެ!
"يا ﷲ! އިބަރަސްކަލާނގެ ޚަޒާނާގައި އެންމެ ހެޔޮކަމުގައިވާ އީމާންކަން އަޅަމެންގެ ދެންނެވުމަކާނުލައި އަޅަމެންނަށް ދެއްވެވީމުއެވެ. يا ﷲ! އަޅަމެންގެ ދެނެވުމާއެކު، އިބަރަސްކަލާނގެ ފުއްސެވުމުން އަޅަމެން މަޙުރޫމުނުކުރައްވާނދޭވެ!" އާމީން
ދުޢާއަކީ ވަރަށް ކުރު ދުޢާއެކެވެ. އެހެނަސް ކޮންމެ މުސްލިމަކަށްވެސް ވަރަށް މުހިންމު ދުޢާއެކެވެ. އެހެނީ ދުނިޔެއާއި އާޚިރަތުގައިވެސް ސަލާމަތްކަން ލިބުންވަނީ އެމީހެއްގެ ފާފަތައް ﷲ ތަޢާލާ ފުއްސަވައިދެއްވެވުމުންނެވެ.
"އަޅަމެންގެ ދެންނެވުމަކާނުލައި އަޅަމެންނަށް ދެއްވެވީމުއެވެ." ވިދާޅުވެފައިވާ ބަސްފުޅުގެ މާނަ ކަމަށް ބެލެވެނީ ނުވަތަ ސަބަބުކަމަށް ބެލެވެނީ އަހުރެމެން (މުސްލިމުން) ތަރުބިއްޔަތުވަނީ އީމާންކަންމަތީގައި ކަމަށްވުމެވެ. އެއީ ﷲ ތަޢާލާ ދެއްވަވާ ވަރަށް ބޮޑު ނިޢުމަތެކެވެ.
މައްސަލައަކަށް ވަމުން މިދަނީ އެމަތިވެރި ނިޢުމަތް އަހުރެމެންނަށް ދޫކޮށްލެވޭ ކަމެވެ. މިބުނާ ވާހަކައަކީ ތިމާ މިހުރީ ﷲ ތަޢާލާއަށް އީމާންވެގެން ކަމަށް ދުލުން ބުނިނަމަވެސް ގިނަ ބައަކަށް އެކަން އެމީހުންގެ ޢަމަލުތަކުން ނުދެއްކޭ ކަމެވެ. އެފަދަ މީހުން އާޚިރަތް ދުވަހު ﷲ ތަޢާލާ އާއި ކުރިމަތިލާނީވެސް ކިހިނަކުން ހެއްޔެވެ؟
- އިސްލާމީ ތިލަފަތުގެ ދަރުސަކުން
