ﷲ ތަޢާލާގެ ޙަޟްރަތުން ލޯބިވެވޮޑިގަތުމާއި ރަޙްމަތަށް އެދިގެން ކުރެވެންހުރި ވަރަށް ކުދި ޢަމަލުތައްވެސް އެބަހުއްޓެވެ.
މިޘާލަކަށް ބުނާނަމަ ސުބްހާނަﷲ، އަލްޙްމދުލިﷲ، ﷲ އަކްބަރު ކިޔުމަކީ ﷲ ތަޢާލާ އެމީހަކަށް ރަޙްމަތް ލައްވަވާ ކަންކަމެވެ. لَا إِلَٰهَ إِلَّا ٱللَّٰهُ ކިޔުމަކީ އެމީހަކު ދެކެ ލޯބިވެވޮޑިގަންނަވާ ކަމެކެވެ.
ބައެއް މީހުންނަށް ހެޔޮ ކަމެއް ކުރެވުމުންވެސް، އަދި ކުށެއް ކުރެވުމުންވެސް ވިއްދައިގެން މިފަދަ ޛިކުރުތައް ކިޔައެވެ. އެގޮތަށް ކަންތައް އެކުރަނީ ﷲ ތަޢާލާގެ ލޯބިވެވޮޑިގަތުމަށާއި ރަޙްމަތަށް އެދިގެންނެވެ.
މިފަދަ ކަންކަމަށް ސަމާލުކަންދީގެން އުޅޭ މީހަކަށް މިއީ ކުރަން ވަރަށް ފަސޭހަ ކަންކަމެވެ. ކިތަންމެ ގިނައިންވެސް ކުރެވޭނެ ކަންކަމެވެ. ޚިޔާލަސް ގެންނަންވީ މިފަދަ ޢަމަލުތައް ކުރަން އާދަކޮސްފި މީހެއްގެ ހެޔޮކަމުގެ ފަތަށް ބުރަވެގެންދާނެ މިންވަރަށެވެ.
- އިސްލާމީ ތިލަފަތުގެ ދަރުސަކުން
