ޙަދީޝްފުޅަށް ދިއުމުގެ ކުރިން ބުނެލާނަމެވެ. ފުރަތަމަ ކަމަކަށް ރަސޫލް ޞައްލަﷲ ޢލައިހި-ވަސައްލަމަ، ކަމަކަށް ވަޞިއްޔަތްފުޅު ކުރައްވަވައިފިނަމަ އެކަމުގެ ހުންނާނެ ބުރަދަނަށް ވިސްނައިލާށެވެ! ދެވަނަ ކަމަކަށް ﷲ ތަޢާލާ ގަންދެއްވަވައި ޙަދީޘްފުޅުކުރައްވަވައިފިނަމަ އެކަމުގެ ބުރަދަން އިތުރުވެގެންދާނެ މިންވަރާއިމެދު ވިސްނައިލާށެވެ!
ރަސޫލް (ﷺ) ޙަދީޘްފުޅު ކުރެއްވެވިއެވެ.
"އޭ މުޢާޛްގެފާނުއެވެ! ކަލޭގެފާނަށް ތިމަންކަލޭގެ ވަޞިއްޔަތް ކުރައްވަވަމެވެ. ﷲ ގަންދެއްވަވައި ވިދާޅުވަމެވެ. (ފަރުޟު) ކޮންމެ ނަމާދެއްގެ ފަހުގައި اللَّهُمَّ أَعِنِّي عَلَى ذِكْرِكَ، وَشُكْرِكَ، وَحُسْنِ عِبَادَتِكَ މިފަދައިން ވިދާޅުވުން ކަށަވަރުންވެސް ދޫކޮށް ނުލައްވަވައްޗެވެ!"
اللَّهُمَّ أَعِنِّي عَلَى ذِكْرِكَ، وَشُكْرِكَ، وَحُسْنِ عِبَادَتِكَ
މާނައީ: "ޔާ ﷲ! އިނބަ ﷲ ހަނދުމަކުރުމަށާ، އަދި އިނބަ ﷲ އަށް ޝުކުރުވެރިވުމަށާ، އަދި އިނބަ ﷲ އަށް ރިވެތި ގޮތުގައި އަޅުކަން ކުރުމަށް މިއަޅާއަށް އެހީތެރިވެވޮޑިގެންފާނދޭވެ!"
وعن معاذ رضي الله عنه أن رسول الله صلى الله عليه وسلم أخذ بيده وقال: ”يا معاذ والله إني لأحبك” فقال:
“أوصيك يا معاذ لا تدعن في دبر كل صلاة تقول:
اللهم أعني على ذكرك، وشكرك، وحسن عبادتك“
[رواه أبو داود بإسناد صحيح]
- ޝައިޚް އިބްރާހީމް ފަރީދު އަހްމަދު
