މަރުގެ ސަކަރތް ރަސޫލް ޞައްލަﷲ ޢަލައިހިވަސައްލަމައަށްވެސް ކުރިމަތިވެވަޑައިގެންނެވިއެވެ. އަދި އެކަމުގެ ތެރޭގައި އުޅުއްވަވަމުން އެކަން ވަނީ ޙަދީޘްފުޅުކުރައްވަވައިފައެވެ. ވީމާ އެއްވެސް މީހަކަށް އެކަމުން ސަލާމަތެއް ނުވެވޭނެއެވެ. އެކި މީހުންނަށް ކުރިމަތިވާނީ އެކި ވަރަށެވެ.
ވީމާ މަރުގެ ސަކަރާތުން ސަލާމަތްކޮށްދެއްވެވުން އެދި ދުޢާކުރަންވާނެއެވެ. މަރުގެ ސަކަރާތް ކިޔަނީ މަރުވުމުގެ ވަގުތުގައި ފުރާނަ ހިއްޕެވުމުގެ ކުރިން ހަށިގަނޑުގައި އަޅާ ގަދަފަދަ ވޭނަކަށެވެ! އެވޭން އުފުލަން ކޮންމެ މީހަކަށްވެސް ޖެހޭނެއެވެ. ނުކިޔަމަންތެރިއަޅުންނަށް އެވޭން ގަދަފަދަވެގެންވެއެވެ.
މިއީ މަރުގެ ސަކަރާތުން ސަލާމަތްކޮށްދެއްވެވުން އެދި ކުރަން ތިރްމިޛީގައި ބަޔާންވެގެންވާ ދުޢާއެކެވެ. އަދި ރޔާޟުއްޞާލިޙީންގައިވެސް ބަޔާންވެގެންވެއެވެ. (ޢާއިޝަތުގެފާނުގެ އަރިއަހުން)
اللَّهُمَّ أَعِنِّي عَلَى غَمَرَاتِ الْمَوْتُ وَسَكَرَاتِ الْمَوْتِ
މާނައީ: : "ޔާ ﷲ! މަރުގެ ސަކަރާތުގެ ވަގުތުގައި މިއަޅާއަށް އެހީތެރިވެވޮޑިގަންނަވާނދޭވެ!"
- ޝައިޚް އިބްރާހީމް ފަރީދު އަޙްމަދު
اللَّهُمَّ أَعِنِّي عَلَى غَمَرَاتِ الْمَوْتُ وَسَكَرَاتِ الْمَوْتِ
"O Allah, at this (time) of severity of death help me". (Tirmidhi)
https://quranx.com/hadith/Saliheen/In-Book/Book-7/Hadith-912/
