ﷲ ތަޢާލާ، ދެއްކުންތެރިޔާ ދުނިޔޭގައި ފަޟީޙަތްކުރައްވާނެއެވެ. އަދި އޭނާގެ ކަންކަން ފާޅުކުރައްވާނެއެވެ.
ނަބިއްޔާ ﷺ ޙަދީޘްކުރެއްވިއެވެ.
«مَنْ يُسَمِّعْ يُسَمِّعِ اللهُ بِهِ، ومَنْ يُرَائِي يُرَائِي اللهُ بِهِ» [رواه مسلم 48 - (2987)]
މާނައީ: "މީހުންނަށް އިއްވުމަށް ކަންކަން ކުރާމީހާ ދަންނައެވެ. ﷲ އޭނާގެ ކަންކަން އޭނާ މެދުވެރިކޮށް މީހުންނަށް އިއްވަވާނެއެވެ. އަދި މީހުންނަށް ދެއްކުމަށް ކަންކަން ކުރާމީހާ ދަންނައެވެ. ﷲ އޭނާގެ ކަންކަން އޭނާ މެދުވެރިކޮށް މީހުންނަށް ދައްކަވާނެއެވެ."
އަލްޚައްޠާބީ رحمه الله ވިދާޅުވިއެވެ.
"މި ޙަދީޘްގެ މާނައަކީ އިޚްލާޞްތެރިކަމެއް ނެތި މީސްތަކުންނަށް ދެއްކުމަށް ނުވަތަ އިއްވުމަށް ޢަމަލުކުރާމީހާގެ ޢަމަލަށް އެފަދަ ޖަޒާއެއް ދެއްވޭނެކަމެވެ. އެގޮތުން ﷲ ތަޢާލާ، އޭނާ އެކަމުގައި ބޭޒާރުކުރައްވާ، ފަޟީޙަތްކުރައްވާ އަދި އޭނާ ފޮރުވައިގެން އުޅުނު ކަންކަންވެސް ފާޅުކުރައްވާނެއެވެ. [فتح الباري لابن حجر (11 / 336)]
އޭނާގެ ނަފްސާއި މޭގެ ތެރޭގައި ފޮރުވައިގެން އުޅުނު ކަންކަންވެސް ﷲ ތަޢާލާ ފާޅުކުރައްވާނެއެވެ.
"خطوات إلى السعادة لد. عبدالمحسن القاسم (ص: 35)"
- އައްޝައިޚް ޢިމްރާން މުޙައްމަދު ޢަލީ
