ނަމާދުކުރަން ފަށަމުން ބިސްމި ކިޔަންޖެހޭނެތޯ؟
ކިޔުންތެރިޔާގެ ސުވާލަސް ތިރީގައިވާ ލިޔުމުން ޖަވާބު ލިބިލައްވާނެ ކަމަށް އުންމީދުކުރަމެވެ.
އަޅުންގެ ޢަމަލުތައް ތިންބަޔަކަށް ބެހިގެންވެއެވެ. އެއީ:
ބިސްމި ކިޔަން ޖެހޭ ކަންތައް: މިޘާލަކަށް ހިނައިގަތުމުގެ ކުރިން، ވުޟޫ ކުރުމުގެ ކުރިން، ޖަނަވާރު ޛަބަޙަ ކުރުމުގެ ކުރިން ފަދަ ކަންތަކެވެ.
ބިސްމި ކިޔަން ނުޖެހޭ ކަންތައްތައް: މިޘާލަކަށް، ބަންގި ގޮވަން ފެށުމުގެ ކުރިން، ނަމާދު ކުރަން ފެށުމުގެ ކުރިން، ދުޢާ ކުރަން ފެށުމުގެ ކުރިން ފަދަ ކަންތަކެވެ.
ބިސްމި ކިޔުން މަކްރޫހަ ކަންތައްތައް: މިޘާލަކަށް: ޙަރާމް ކަންތައް ކުރުމުގެ ކުރިން، ސަބަބަކީ ބިސްމި ކިޔަނީ ބަރަކާތް ޙާޞިލް ކުރުމުގެ ބޭނުމުގައެވެ، ނަމަވެސް ޙަރާމް ކުރެއްވި އެއްވެސް ކަމެއް ކުރުމުގައި ބަރަކާތެއް ނެތެވެ. والله أعلم
- ޑރ. މުޙައްމަދު އިޔާޟް ޢަބްދުއްލަޠީފް
