ގުރްއާނުގައި ޛިކުރު ކުރެވިފައިވާ ފޮތްތަކަކީ:
1 ދާވޫދު ޢަލައިހިއްސަލާމްގެ މައްޗަށް ބާވާލެއްވުނު ޒަބޫރު
2އިބްރާހީމް ޢަލައިހިއްސަލާމްގެ މައްޗަށް ބާވާލެއްވުނު ޞުޙުފް
3 މޫސާ ޢަލައިހިއްސަލާމްގެ މައްޗަށް ބާވާލެއްވުނު ތައުރާތު
4 ޢީސާ ޢަލައިހިއްސަލާމްގެ މައްޗަށް ބާވާލެއްވުނު އިންޖީލު
5 މުޙައްމަދު ޞައްލަﷲ ޢަލައިހި ވަސައްލަމަގެ މައްޗަށް ބާވާލެއްވުނު ގުރްއާން.
މީގެ ތެރެއިން އެއްވެސް ބަދަލެއް ނުގެނެވި ﷲ ތަޢާލާ ބާވައިލެއްވެވި ގޮތަށް މިހާރު އޮތް ހަމައެކަނި ފޮތަކީ ކީރިތި ޤުރްޢާނެވެ. ތައުރާތާއި އިންޖީލަށް ވަނީ އެތައް ބައިވަރު ބަދަލުތަކެއް ގެނެވިފައެވެ. އެހެންކަމުން މިހާރު މިގެންގުޅޭ ތައުރާތާއި އިންޖީލަކީ ﷲ ތަޢާލާ ބާވައިލެއްވެވި ގޮތަށް އޮތް ފޮތެއް ނޫނެވެ. އެވަނީ ގިނަ ބޮޑެތި ބަދަލުތަކެއް ގެނެސް އެމީހުން ބޭނުންވާ ގޮތަށް ބަދަލުކޮށްފައެވެ. ވީމާ ތައުރާތާއި އިންޖީލުގެ މިހާރުގެ އަހުލުވެރިންނަކީ ﷲ ތަޢާލާ ބާވައިލެއްވެވި ގޮތަށް އެފޮތަށް ޢަމަލުކުރާ ބައެއް ނޫނެވެ. އެމީހުން އުފައްދާފައިވާ ގޮތަށް ޢަމަލުކުރާ ބައެކެވެ.
ހަމައެއާއިއެކު ކީރިތި ޤުރްއާން ބާވައިލެއްވެވުމުން އެއިގެ ކުރީގެ ފޮތްތައް ވަނީ މަންސޫޚް ކުރައްވަވައިފައެވެ.
- މަޢުލޫމާތު: ޑރ. މުޙައްމަދު އިޔާޟް ޢަބްދުއްލަޠީފް
