މިދުޢާވެސް ޚާއްޞަކޮށްމިލަނީ ހިތްދަތިކަމާ ތަކްލީފްތަކުން އަރައިގަތުމަށް ކުރާނެ ރަނގަޅު ދުޢާއަކަށް އެދިލައްވާ ކިޔުންތެރިންނަށެވެ.
ޔާ ﷲ! އިނބަ ﷲ އީ އިބްރާހީމްގެފާނު އެބިޔަ ބޮޑު އަލިފާންގަނޑުން ސަލާމަތްކޮށްދެއްވެވެވި ރަސްކަލާނގެއެވެ.
ޔާ ﷲ! އިނބަ ﷲ އީ ޔޫސުފްގެފާނު އެބޮޑު ފުން ފެންވަޅުން ސަލާމަތްކޮސްދެއްވެވި ރަސްކަލާނގެއެވެ.
ޔާ ﷲ! އިނބަ ﷲ އީ ފުން ރަތްކަނޑުން ަމގެއް ހިއްކަވައި ދެއްވަވައި މޫސާގެފާނާއި އެކަލޭގެފާނުގެ އަރިއަހުގައިވާ މީހުން ސަލާމްތަކޮށްދެއްވެވި ރަސްކަލާނގެއެވެ.
ޔާ ﷲ! އިނބަ ﷲ އީ އައްޔޫބްގެފާނަށް ޖެހިވަޑައިގެންނެވި އެބޮޑު އާލާސްކަންފުޅުން ސަލާމަތްކޮށްދެއްވަވައި އެކަލޭގެފާނަށް ގެއްލިވަޑައިގެންނެވި ހުރިހާ ނިޢުމަތްތައް އަނބުރާ ދެއްވެވި ރަސްކަލާނގެއެވެ.
ޔާ ﷲ! އިނބަ ﷲ އީ ޔޫނުސްގެފާނަށް އެބިޔަ ބޮޑު މަހުގެ ބަނޑުގައިވެސް ރައްކައުތެރިކަން ދެއްވަވައި އަދި އެމަހުގެ ބަނޑުން އެކަލޭގެފާނު ސަލާމަތްކޮށްދެއްވެވި ރަސްކަލާނގެއެވެ.
ޔާ ﷲ! އިނބަ ﷲ އީ އާދަމެގެފާނަށް ކުރެއްވެވުނު އެބޮޑު ފާފައަށް ޢަފޫކޮށްދެއްވެވި ރަސްކަލާނގެއެވެ. އަދި ތައުބާވާ އެންމެންނަށް ޢަފޫކޮށްދެއްވަވަމުން ގެންދަވާ ރަސްކަލާނގެއެވެ.
ޔާ ﷲ! މިއަޅާގެ ފާފަތައް ފުއްސވައި ދެއްވަވައި މިއަޅާގެ ފާފަތަކަށް ޢަފޫކުރައްވަވައި ދެއްވަވާނދޭވެ! އަދި މިއަޅާއަށް ކުރިމަތިވެފައިވާ ހިތްދަތިކަމާ ހުރިހާ ތަކްލީފްތަކުން ސަލާމަތްކޮށްދެއްވަވާނދޭވެ! އާމީން
