އެމީހަކު ކުރާ އަޅުކަން ކިތަންމެ ގިނަވިނަމަވެސް އެކަން ﷲ ތަޢާލާ ޤަބޫލުފުޅުކުރެއްވެވުން އޮތީ ޝަރުޠުތަކަކާއިއެކުގައި އަޅުކަންކުރުމެވެ. އެއިގެ ތެރޭގައި ތިމާގެ ޢަމަލުތައް ބަހައްޓަންޖެހޭ ގޮތްވެސް ހިމެނެއެވެ.
ކިތަންމެ ގިނައިން ހެޔޮ ޢަމަލުކުރިނަމަވެސް އެއްވެސް ޢަމަލެއް ﷲ ތަޢާލާ ޤަބޫލުފުޅު ނުކުރައްވަވާނެ 3 މީހަކުވެއެވެ.
އެއިގެ ތެރެއިން ފުރަތަމަ މީހާއަކީ: އޭނާގެ މަންމައަށް ނުވަތަ މައިންބަފައިންނަށް ހަރުކަށިވެ ނުބައިކޮށް ކަންކަން ކުރާމީހާއެވެ.
ދެވަނަ މީހާއަކީ: މީހަކަށް އެއްޗެއް ދިނުމަށްފަހު އެކަމަށްޓަކައި އެމީހަކަށް ޝުކުރުވެރިވާން ބުނާ މީހާއެވެ.
ތިންވަނަ މީހާއަކީ: ތަކެތި ވިއްކާއިރު އެއްޗެއް އެމީހާ ގަތް އަގަށްވުރެ ބޮޑު އަގެއްގައި ގަނެފައިވާކަމަށް ﷲ ތަޢާލާ ގަންދީ ހުވާކޮށް ތަކެތި ވިއްކާމީހާއެވެ.
މި 3 ބާވަތުންކުރެ އެއްވެސް މީހަކު ކުރާ ނަމާދުވެސް ދޭ ޞަދަޤާތްވެސް އަދި ކުރާ އެހެން އަޅުކަމެއްވެސް ﷲ ތަޢާލާ ޤަބޫލުފުޅު ނުކުރައްވަވާނެތެވެ.
- ޝައިޚް ޢަލީ ހައްމުދާގެ ދަރުސަކުން
