ނަމާދަކީ އަހަރެމެން އިސްލާމްދީނުގައި ކެތްތެރިކަމާއި، ހިތްވަރުގަދަކަމާއިއެކު ދެމިތިބުމަށް އެހީވެދޭ އެންމެ މުހިއްމު އެއް އަޅުކަމެވެ. އަދި ތިމާގެ އަޚްލާޤަށާއި ޞިއްޙަތަށްވެސް ނުހަނު ގިނަ ފައިދާތަކެއް ލިބޭ އަޅުކަމެކެވެ.
އިސްލާމްދީނުގެ 2 ވަނަ ރުކުނަކީ ނަމާދެވެ. އަހަރެމެންނާއި މާތްﷲ ޞުބުޙާނަހޫ ވަޠަޢާލާއާއި ދެމެދު އޮންނަ ގުޅުން ފުރިހަމަކޮށްދޭނެ އަޅުކަމަކީވެސް ނަމާދެވެ. އަދި މިއީ، އުޚުރަވީ ގޮތުންނާއި ދުނިޔަވީ ގޮތުންވެސް ތިބާއަށް އެތަކެއް ފައިދާތަކެއް ލިއްބައިދޭނެ މާތް އަޅުކަމެކެވެ.
ނަމާދުން ލިބޭ ބައެއް ފައިދާތައް:
· ނަމާދަކީ، ނުބައި ޢަމަލުތަކާއި، ތިބާގެ ކަށީގައި ހިފާފައިވާ ނޭދެވޭ ޢަމަލުތަކުން ނަފްސު ޠާހިރުކޮށްދޭ އަޅުކަމެކެވެ.
ކީރިތި ޤުރުޢާނުގައި މާތްﷲ ވަޙީކުރައްވާފައިވެއެވެ. "އަދި ނަމާދު ޤާއިމުކުރާށެވެ! ހަމަކަށަވަރުން، ނަމާދަކީ ފާޙިޝް ކަންތަކާއި މުންކަރާތްތައް ނަހީކޮށް ދުރުކުރާ އެއްޗެކެވެ." (29:45)
· މާތްﷲ ޞުބުޙާނަހޫ ވަޠަޢާލާ އާއި ތިބާ އާއި ދެމެދު އޮންނަ ގުޅުން ވަރުގަދަވުން
· ނަމާދަކީ އިސްލާމުދީނުގެ ހަމަހަމަކަން އަންގައިދޭ އަޅުކަމެކެވެ. މީސްތަކުން މިސްކިތައް ޖަމަޢަވެ، އެއްސަފުގައި އެންމެން އެކުގައި އެކަލާނގެއަށް ވަކީލުކުރާއިރު ވަކި ނަޞްލެއްގެ މީހަކަށް އިސްކަމެއްނުދެއެވެ. އަހަރެމެންނަށް ފެންނާނީ ހަމަހަމަކަމާއި އެއްބައިވަންތަކަމެވެ.
· އިޚްލާޞްތެރިކަމާއިއެކު ނަމާދު ޤާއިމުކުރުމަކީ، ތިބާގެ ގައިގައި ހިތްތިރިކަމުގެ ރިވެތި ސިފަ އަށަގަނެވޭނެކަމެކެވެ. ނަތީޖާއެއްގެ ގޮތުން، ﷲ ޞުބުޙާނަހޫ ވަޠަޢާލާގެ ލޯތްބާއި ރުހުން ތިބާއަށް ލިބޭނެއެވެ.
"މުއުމިނުން ކާމިޔާބުވެއްޖެކަން ކަށަވަރެވެ. އެއުރެންނީ، އެއުރެންގެ ނަމާދުގައި މަޑުމައިތިރިވެތިބޭ މީހުންނެވެ."
(23:1-2)
· ތިބާގެ އީމާންތެރިކަން ވަރުގަދަކޮށްދީ، ތެދު މަގުގައި ސާބިތުވުމަށް ފަސޭހަވުން
· ނަރަކައާއި ކަށްވަޅުގެ އަޛާބުން ސަލާމަތްވުން
· ތިބާގެ ފާފަތައް ފޮހެވިގެން ދިޔުން
· ކަންނެތްކަމުގެ ނުބައި ސިފައިން ސަލާމަތްވުން
· އެކަލާނގެ ރިޒްޤުގެ ތަނަވަސްކަން ތިބާއަށް ލިބުން
· ސިއްޙަތަށް ޙެޔޮ އަސަރުތައްކުރުން
އަދި މިނޫނަސް އެތަކެއް ފައިދާއެއް ނަމާދުގެ ސަބަބުން އަހަރެމެންނަށް ލިބޭނެއެވެ. ވީމާ، ނަމާދަށް ފަރުވާތެރިވާށެވެ. ދެދުނިޔޭގެ ބާއްޖަވެރިކަން ލިބޭނީ އެއިރުންނެވެ.
http://www.quranreading.com/blog/benefits-of-five-daily-prayers-in-islam
