ރަނގަޅަށް ބަލާށެވެ! ދުނިޔެއާއި އާޚިރަތަށް ފައިދާކުރާނެ ހުރިހާ ކަމެއް ދީނުން ފެންނަން އެބައޮތެވެ. ޤުރްއާނާއި ސުންނަތުންނެވެ. ދެރަ ލިބެނީ ވިސްނައި ޢަމަލުނުކުރެވޭތީއެވެ. މިބަލައިލަނީ މަގުމަތިން ނުވަތަ އެނޫންވެސް ތަނަކުން ތިމާ ޝައުޤުވެރިވާފަދަ އަންހެނަކު ފެނިއްޖެނަމަ ޢަމަލުކުރަން އޮތް ގޮތަށެވެ.
ކައިވެނިކުރާ ފަހުން ބައިވެރިޔާއަށްވުރެ މާރީތި މީހުން ވަރަށް ގިނައިން ފެންނާނެއެވެ! އެއީ ވަރުބަލިކަމެއް ނެތި ޝައިޠޯނާ އެމަސައްކަތް ކުރަމުންގެންދާނެތީއެވެ. އެމަސައްކަތް ހިނދުކޮޅަކަށްވެސް ހުއްޓާނުލާނެތީއެވެ. އެކަމަށް އޮތް ޙައްލު މިބުނެދެނީއެވެ.
ޑޮކްޓަރުން އިންޒާރުދެއެވެ. ކެއުމާއި އަމަލުތައް ބަހައްޓަންވީ ގޮތް ބުނެދެއެވެ. ފަރުވާކުޑަކޮށްލައި ހިތުހުރި ގޮތަކަށް ކަންކަން ކުރަމުން ދަނިކޮށްވެސް ބަލިވީމާ ވަރަށް ދެރަވެއެވެ. އަވަހަށް ގަދަވޭތޯ ޑޮކްޓަރުން ގާތަށް ދެއެވެ.
ކައިވެނީގައިވެސް މިވަނީ ހަމައެފަދަ ގޮތެކެވެ. ކައިވެނިކުރުމުގަ ބަލަންވީ ކަންކަމަށް ނުބަލައި ކައިވެނިކުރަނީއެވެ. މައްސަލަ ޖެހޭއިރަށް ދެރަވެއެވެ. ރަނގަޅު ގޮތް މިންވަރުކުރެއްވެވުން އެދި ދުޢާކުރެވެއެވެ.
ކައިވެނިކޮށްގެން ހުރި ނަމަވެސް ރީތި، އެމީހަކު ޝައުޤުވެރިވާ ފަދަ މީހަކު ފެނިއްޖެ ނަމަ ގިނަ ބައަކަށް ޝައުޤުވެރިވެވެނީ އޭނާ ހާޞިލުކުރުމަށެވެ. ނަމަވެސް އެކަމުގައި ޢަމަލުކުރަންވީ ގޮތް ރަސޫލް (ﷺ) ވަނީ ޞަހާބީންނަށް އުނގަންނަވައި ދެއްވަވައިފައެވެ.
Jabir reported that Allah's Messenger (may peace be upon him) saw a woman, and so he came to his wife, Zainab, as she was tanning a leather and had sexual intercourse with her. He then went to his Companions and told them:
The woman advances and retires in the shape of a devil, so when one of you sees a woman, he should come to his wife, for that will repel what he feels in his heart.
Saheeh Muslim: Book 8, Number 3240:
މިޙަދީޘްފުޅުން އެނގޭ ގޮތުގައި ރީތި، އެމީހަކު ޝައުޤުވެރިވާފަދަ އަންހެނަކު ފެނިއްޖެ ނަމަ އޮތީ އެމީހެއްގެ ފަހަތުން ދުވެ، މުޑިނަގައި ހެދުމެއް ނޫނެވެ. ކިތަންމެ ބޮޑު ހޭދައެއް ކޮށްގެން، ކޮންމެ ގޮތަކުން ނަމަވެސް އެމީހާގެ ކިބައިން އުފާ ލިބިގަންނަން މަސައްކަތްކުރުމެއް ވެސް ނޫނެވެ. އެފަދަ ކަމެއް މެދުވެރިވެއްޖެ ނަމަ އޮތީ އަވަހަށް އެމީހާގެ އަނބިމީހާގެ ގާތަށް ދިއުމެވެ.
ގިނަ އަދަދެއްގެ ކައިވެނިތައް ރޫޅި ޒަވާޖީ ޙަޔާތް ބަރުބާދުވަމުން މިދަނީ ޝައިޠޯނާގެ ބަހަށް ހެއްލެވި ރީތީގެ ފަހަތުން ދުވެވޭތީއެވެ. ރީތީގެ ފަހަތުން ދުވުމަކީ ދުވަހަކުވެސް ނިމޭނެ ކަމެއް ނޫނެވެ!
ރީތީގެ ފަހަތުން ދުވުމަކީ އިންސާނުންނަށް ޖެހޭ ވަރަށް ނުބައި ބައްޔެކެވެ. އެބައްޔަށް ކުރާނެ ބޭހެއް އަދި މިހައިތަނަށް ހޯދިފައެއް ނެތެވެ. ނަމަވެސް އެބަލީގެ ފަރުވާ އިސްލާމް ދީނުގައި އެބައޮތެވެ! އެއީ ތަޤްވާވެރިކަން އިތުރުކުރުމެވެ. ކައިވެނީގެ މަޤްޞަދު އިސްލާމް ދީނުގައިވާ ފަދައިން ޙާޞިލުކުރަން މަސައްކަތްކުރުމެވެ.
މިބަލީގެ އަސްލަށް ބަލާއިރު އެހެން މީހުން ރީތިވަނީ އޭނާގެ ޙަޤީޤަތް ނޭނގޭތީއެވެ! ރީތި ވަރަށް ގިނަވާނެއެވެ! ނަމަވެސް ރަނގަޅު ވަރަށް މަދުވާނެއެވެ! ކައިވެނިކުރާއިރު ބަލަން ޖެހޭ ކަންކަން ރަސޫލް (ﷺ) ބަޔާންކޮށްދެއްވެވިއިރު ރީތީގެ ވާހަކަ ޙަދީޘްފުޅު ކުރައްވަވާފައި ނެތީ އެހެންވެގެންނެވެ. ޙަދީޘްފުޅު ކުރައްވަވާފައިވަނީ "ރަނގަޅު"ގެ ވާހަކައެވެ.
"ހެޔޮލަފާ، ދީންވެރި، ތަޤްވާވެރި، ﷲ ތަޢާލާއަށް ބިރުވެތިވާ، ކިޔަމަންތެރި" މިފަދަ ހުރިހާ ސިފަތަކަކީވެސް ހަމަ "ރަނގަޅު"ގެ ތެރޭގައި ހިމެނޭ ސިފަތަކެވެ.
ތިމާއަށް ޙަޤީޤަތް އެނގޭ ތިމާގެ ބައިވެރިޔާގެ ރީތިކަމާ ފުރިހަމަކަމަށް ބަލާނަމަ އެހެން މީހުންނަށް ބަލަން ނުވެސް ޖެހޭނެއެވެ! ރީތި ގިނަވާނެއެވެ! ރަނގަޅު މަދުވާނެއެވެ! ރީތި ލިބުމަކުން ކުރާނެ ފައިދާއެއް ވެސް ނެތެވެ. ރީތި، ޙަޤީޤަތުގައި ރީތިވާނީ ރަނގަޅުވުމުންނެވެ. ނޫންނަމަ ރީތިން ލިބޭނީ އަނިޔާއެވެ! ފައިދާ ކުރާނީ ހަމަ ރަނގަޅުންނެވެ!
- އިސްލާމީ ތިލަފަތުގެ ދަރުސަކުން
